„ბიბისი“ - გერმანიის მთავრობა საბიუჯეტო კრიზისის წინაშე დგას
სარეკლამო ადგილი - 10
650 x 60
91 06 დეკემბერი 2023, 12:05

გერმანიის მინისტრთა კაბინეტი საბიუჯეტო კრიზისის წინაშე დგას, მთავრობის მიერ წარდგენილი საბიუჯეტო კანონპროექტი დახარვეზდა, – ამის შესახებ „ბიბისი“ წერს.

საშობაო არდადეგების დაწყებამდე პარლამენტს მხოლოდ ერთი სესია დარჩა, მომდევნო წლის საბიუჯეტო კანონი კი ძალაში 2024 წლის პირველი იანვრიდან უნდა შევიდეს.

კრიზისი 15 ნოემბერს დაიწყო, როდესაც გერმანიის კონსტიტუციურმა სასამართლომ მთავრობის მიერ წარდგენილი ბიუჯეტი უკანონოდ ცნო. კერძოდ კი, ახალი ვალების აღების საკითხი, რომელსაც კონსტიტუციაში 2009 წელს ანგელა მერკელის მიერ ინიცირებული „ვალების მუხრუჭის“ კანონი არეგულირებს და რომლის თანახმადაც, მთავრობას ახალი ვალის აღება მხოლოდ გარკვეული ლიმიტით შეუძლია. მთავრობის მიერ წარდგენილ საბიუჯეტო პროექტში გადაცდომებთან დაკავშირებით სასამართლოს ოპოზიციურმა, კონსერვატიულმა პარტიამ მიმართა. ახლა ოლაფ შოლცის კაბინეტი ცდილობს, არსებულ მოკლე ვადაში კორექტირება შეიტანოს დოკუმენტში.

„ვალების მუხრუჭის“ კანონი საგანგებო მდგომარეობის დროს გამონაკლისებსაც ითვალისწინებს, მაგალითად, „კოვიდ-19“-ის პანდემიის დროს. თუმცა, ამის ნაცვლად, მთავრობამ პანდემიის დროს მორჩენილი ვალის დახარჯვა გერმანიის მწვანე ენერგეტიკაზე გადასასვლელად გადაწყვიტა, რაც კონსტიტუციურმა სასამართლომ უკანონოდ ცნო. შედეგად, სავარაუდო დეფიციტი 2023 წლისთვის 60 მილიარდ ევროს, 2024 წლისთვის კი – 17 მილიარდს შეადგენს. „ვალების მუხრუჭისთვის“ გვერდის ასავლელად, მთავრობამ 2023 წელი საგანგებო მდგომარეობის წლად გამოაცხადა, რომელიც, რუსეთის უკრაინაში ომის ფონზე, ენერგეტიკული კრიზისითაა გამოწვეული, რაც, გამორიცხული არ არის, ასევე გასაჩივრდეს საკონსტიტუციო სასამართლოში. უცნობია, თუ რა გეგმები აქვს მთავრობას 2024 წლის ვალთან დაკავშირებით.

მედიაში პროგნოზირებენ, რომ გამოსავალი, შესაძლოა, გადასახადების გაზრდა, ხარჯების შემცირება და მეტი ვალის აღება გახდეს.

სარეკლამო ადგილი - 11
650 x 60
ირაკლი ღარიბაშვილი: მიმდინარეობს მიზანმიმართული კამპანია, რომ რამენაირად მოახდინონ ჩემი სახელისა და ზოგადად ჩემი ოჯახის დისკრედიტაცია, მაგრამ ეს არ მუშაობს. ხალხმა ძალიან კარგად იცის, ვინ არის ირაკლი ღარიბაშვილი
ანტალიაში, საბაგიროზე ავარიის შედეგად დაიღუპა ერთი და დაშავდა 10 ადამიანი
დიმიტრი ხუნდაძე: პრეზიდენტს დარჩა ერთადერთი კრიმინალი შესაწყალებლად - მიხეილ სააკაშვილი, ოღონდ ჯერ უნდა გადაწყვიტონ მისმა მბრძანებლებმა უცხოეთში, როდის აწყობთ ეს
დათა თავაძე გამჭვირვალობის კანონზე: ჩვენ ყველაფერი უნდა გავაკეთოთ იმისთვის, რომ ეს კანონი არ გავიდეს; ყველაფერი უნდა გავაკეთოთ იმისთვის, რომ საშინელი, ამაზრზენი, ლგბტ პროპაგანდის წინააღმდეგ კანონი არასდროს მიიღონ საქართველოში
შემოსავლების სამსახურის უფროსმა, ლევან კაკავამ აშშ-ის ელჩს უმასპინძლა
არქივი