აზერბაიჯანის პრეზიდენტის ადმინისტრაცია ილჰამ ალიევისადმი სალომე ზურაბიშვილის მილოცვას ავრცელებს
სარეკლამო ადგილი - 10
650 x 60
65 12 თებერვალი 2024, 16:57

აზერბაიჯანის პრეზიდენტის ადმინისტრაციამ ილჰამ ალიევისადმი საქართველოს პრეზიდენტის, სალომე ზურაბიშვილის მილოცვა დღეს გაავრცელა.

„თქვენო აღმატებულებავ, ქართველი ხალხის და ჩემი სახელით მინდა, მოგილოცოთ აზერბაიჯანის რესპუბლიკის პრეზიდენტად ხელახლა არჩევა. გულწრფელად გისურვებთ წარმატებებს და გამარჯვებებს თქვენს დაუღალავ მცდელობებში, რომელიც მიმართულია თქვენი ქვეყნისა და ხალხის კეთილდღეობისკენ.

მტკიცედ მჯერა, რომ ერთობლივი ძალისხმევით ჩვენ ორ ძმურ ქვეყანას შორის კეთილმეზობლურ, მეგობრულ ურთიერთობებსა და სტრატეგიულ პარტნიორობას ახალ სიმაღლეზე ავიყვანთ. ეს უდავოდ გააძლიერებს როგორც საქართველოს, ისე აზერბაიჯანის როლს რეგიონული სტაბილურობისა და განვითარების ხელშეწყობაში.

თქვენო აღმატებულებავ, კიდევ ერთხელ ვადასტურებ ჩემს უღრმეს პატივისცემას და გისურვებთ წარმატებებს თქვენს საქმიანობაში, ვუსურვებ მეგობარ აზერბაიჯანელ ხალხს მშვიდობასა და კეთილდღეობას“, – ნათქვამია სალომე ზურაბიშვილის წერილში.

საქართველოს მთავრობის წევრებმა და საპარლამენტო უმრავლესობის წარმომადგენლებმა დღეს გააკეთეს განცხადება, რომ სალომე ზურაბიშვილს მეგობარი და სტრატეგიული ქვეყნის პრეზიდენტ ილჰამ ალიევისთვის არჩევნებში გამარჯვება ამ დრომდე არ მიულოცავს. მოგვიანებით, საქართველოს პრეზიდენტის ადმინისტრაციაში განაცხადეს, რომ სალომე ზურაბიშვილმა ილჰამ ალიევს არჩევნებში გამარჯვება ოფიციალური წერილით 9 თებერვალს მიულოცა.

სარეკლამო ადგილი - 11
650 x 60
ყაზახეთის პრეზიდენტი - ვულოცავ მეგობარ ქართველ ერს ეროვნული ნაკრების ევროპის საფეხბურთო ჩემპიონატზე გასვლას
დიმიტრი ხუნდაძე: ირაკლი კობახიძის მიერ გაკეთებული მკვეთრი მესიჯები გასაგები უნდა იყოს ჩვენი პარტნიორი სახელმწიფოებისთვის. ჩვენ მყარად ვდგავართ ევროპულ გზაზე და გამჭვირვალობაც სწორედ დემოკრატიის ფუნდამენტური პრინციპია
იმერეთის რეგიონს 17 ახალი ნაგავმზიდი მოემსახურება
იტალიის სოფლის მეურნეობის, სურსათისა და სატყეო საქმეთა მინისტრი ფრანჩესკო ლოლობრიჯიდა: საქართველომ აირჩია სწორი გზა, როდესაც ღვინის წარმოების კუთხით აქცენტი გააკეთა ხარისხზე და არა რაოდენობაზე
გამჭვირვალობის კანონპროექტზე სასაუბროდ შეკრებილი მედიის წარმომადგენლების შეხვედრაზე „ქრონიკის“ კორესპონდენტს სიტყვიერი შეურაცხყოფა მიაყენეს
არქივი