48
27 მარტი 2024, 15:27
კონსტიტუციის დონეზე გვინდა იყოს გარანტირებულად ლგბტ პროპაგანდის აკრძალვა და, რა თქმა უნდა, გარანტირებულად, როგორც დღეს არის, ასევე გაგრძელდება ნებისმიერი ადამიანის უფლების დაცვა, - ამის შესახებ მედიასთან პარტია „ხალხის ძალის“ აღმასრულებელმა მდივანმა, დეპუტატმა გურამ მაჭარაშვილმა განაცხადა.
„რაც შეეხება ოპოზიციის პოლიტიკურ ბოდვებს, მათ ხან სიზმარში ელანდებათ შავი ხვრელები, ხან ეჩვენებათ, რომ რეალური პრობლემა არ არის პრობლემა. ვერაფერს ამბობენ ამ საკითხზე. რატომ არ ამბობენ, რომ ლგბტ პროპაგანდის მომხრეები არიან? იმიტომ რომ მათივე ამომრჩევლის უმრავლესობა არ ემხრობა ამას“, - მიიჩნევს მაჭარაშვილი.
„ქართულმა ოცნებამ“ ოჯახურ ღირებულებათა და არასრულწლოვანთა დაცვის შესახებ საკონსტიტუციო ცვლილებები მოამზადა.
ოპოზიციის ნაწილი საკონსტიტუციო ცვლილებებს მხარს არ დაუჭერს. კონსტიტუციური კანონპროექტის მოწინააღმდეგეები აცხადებენ, რომ ლგბტ პროპაგანდისგან მომდინარე საფრთხე ხელოვნურად გამოგონილია და ამ თემით მანიპულაცია ხდება.
სარეკლამო ადგილი - 11 650 x 60 |