გიორგი მარადაშვილი არის ერთი ჩვეულებრივი ბიჭი, რომელსაც უყვარს ფეხბურთი და ყველაფერს აკეთებს მიზნების მისაღწევად, - ამის შესახებ საქართველოს ნაკრებისა და „ვალენსიის“ მეკარე გიორგი მამარდაშვილმა გადაცემაში „ნოესთან“ განაცხადა.
„12 წლის ასაკში დინამოს აკადემიაში წავედი და იქიდან დავიწყე გაზრდა, სკოლა დავამთავრე და მერე აღარ ჩამიბარებია, ფეხბურთს გავყევი. ძალიან მიზანდასახული ვარ, გამოწვევები მიყვარს და აქედან გამომდინარე ვიფიქრე, რომ გავყვებოდი ამ საქმეს და დარწმუნებული ვიყავი, რომ გამომივიდოდა. მიყვარს ჩემს თავზე მუშაობა, შრომა, წარუმატებლობას არ ვეგუები. არ ვარ კომუნიკაბელური, კონტაქტში მარტივად ვერ შევდივარ ადამიანებთან და მგონია, რომ ეს ცოტა პრობლემაა. ბავშვობაში ხერხემლის პრობლემა მქონდა და ამის გამო ვფიქრობდი, გამეგრძელებინა თუ არა ფეხბურთი. არავინ ფიქრობდა, რომ მე ფეხბურთს ვითამაშებდი. მამაჩემის ძალიან დიდი დამსახურებაა დღეს აქ რომ ვარ და ასეთ დონეზე“, - განაცხადა გიორგი მამარდაშვილმა.
| სარეკლამო ადგილი - 11 650 x 60 |
