ჩვენ მხოლოდ გაგვიხარდება, თუ იქნება, რაც შეიძლება, მეტი კომუნიკაცია. უფრო მეტიც - ძალაში რჩება ჩვენი შეთავაზება პარტნიორების მიმართ, რომ ქართული საზოგადოების თვალწინ დავსხდეთ და ვიმსჯელოთ ამ კანონის ავკარგიანობასთან დაკავშირებით, - განაცხადა საქართველოს პრემიერ-მინისტრმა ირაკლი კობახიძემ.
პრემიერ-მინისტრი ასევე გამოეხმაურა საგარეო და უსაფრთხოების საკითხებში ევროკავშირის უმაღლესი წარმომადგენლის, ჯოზეფ ბორელის კრიტიკულ განცხადებას გამჭვირვალობის კანონპროექტის შესახებ.
„არა მარტო დიპლომატი, ჟოზეფ ბორელი მათ შორის, ნებისმიერი ევროპელი პოლიტიკოსი, როდესაც აკეთებს განცხადებას კანონთან დაკავშირებით, რომელსაც იღებს პარლამენტი, ის ავტომატურად ერთვება პოლიტიკურ დებატებში. ანუ დღეს ჟოზეფ ბორელი არის ჩართული იმ პოლიტიკურ დებატებში, რომელიც ქვეყნის შიგნით უნდა წარმოებდეს. არის კანონი განსახილველი და დემოკრატიული პროცესი რას ითვალისწინებს - კანონზე მსჯელობენ პოლიტიკური პარტიები პარლამენტში და არა ვიღაც გარედან, მათ შორის, თუნდაც, პარტნიორი და მეგობარი. რა თქმა უნდა, ეს ჩარევაა“, - განაცხადა ირაკლი კობახიძემ.
პრემიერ-მინისტრმა ასევე აღნიშნა, რომ ოპოზიციას ვერ მოჰყავს ვერც ერთი არგუმენტი კანონპროექტის საწინააღმდეგოდ.
„ყველა ქვეყანაში ასეა - არის პარლამენტი, არის უმრავლესობა და ოპოზიცია. როდესაც კანონთან დაკავშირებით დისკუსია წარიმართება, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი და ასე იმართება დემოკრატიული დისკუსიები. ამ შემთხვევაში ხდება რა - ოპოზიცია ვერ ამტკიცებს, რომ კანონი არის ცუდი, ვერც ერთი არგუმენტი ვერ მოვისმინეთ“, - აღნიშნა პრემიერმა.
სარეკლამო ადგილი - 11 650 x 60 |