სტატიები
გვარამია დარწმუნებულია, რომ მის წინააღმდეგ ტერაქტი იგეგმება
სარეკლამო ადგილი - 10
650 x 60
143 06 აგვისტო 2021, 21:22
„მთავარი არხის“ გენერალური დირექტორის ნიკა გვარამიას განცხადებით, სახელმწიფო უსაფრთხოების სამსახურში გამოკითხვა მის წინააღმდეგ დაგეგმილ ტერორისტულ აქტს უკავშირდებოდა.

გვარამია დეტალებზე არ საუბრობს და აღნიშნავს, რომ მის სიცოცხლეზე პასუხისმგებლობა სახელმწიფო უსაფრთხოების სამსახურს ეკისრება.

„ნამდვილად არ უკავშირდებოდა კრებსებს, დღეს გამოკითხვა შეწყდა, ხვალ გაგრძელდება 16:00 საათზე. საკითხი ეხებოდა ჩემ წინააღმდეგ დაგეგმილ ტერორისტულ აქტს, რაზეც მიმდინარეობდა გამოკითხვა და რაზეც ხვალაც გაგრძელდება. მე მეტის გამხელა უბრალოდ არ შემიძლია, ამ ეტაპზე საჭიროდ არ ვთვლი მეტი ვილაპარაკო. გულწრფელად რომ გითხრათ, ეს იმდენად შეიძლება იყოს ტერორისტული აქტი, რამდენადაც დაშინების მცდელობა, ან პროვოკაცია რაღაც სახის. ეს გამოჩნდება, თუმცა, გასაგებია, რომ გამოძიების პასუხისმგებლობაა და მათ შორის ჩემ სიცოცხლეზე პასუხისმგებლობა ამ შენობაში მყოფ ადამიანებზეა“, - განაცხადა გვარამიამ.

თავის მხრივ, სახელმწიფო უსაფრთხოების სამსახურში აცხადებენ, რომ უწყებაში მისვლა გვარამიამ თავად გადაწყვიტა, თუმცა, რა საკითხზე მოხდა მისი გამოკითხვა, არ აკონკრეტებენ.
სარეკლამო ადგილი - 11
650 x 60
არქივი