პუტინს "გამოქცეული" რუსები აქედან არსად გაექცევიან პუტინს... ისევ ქართველებს მოგვიწევს აქედან გაქცევა
სარეკლამო ადგილი - 10
650 x 60
69 04 აგვისტო 2022, 14:55

რუსები, რომლებიც რუსეთიდან ბოლშევიკებს "გამოექცნენ" აქედან რატომღაც აღარსად გაქცევიან ბოლშევიკებს, ზუსტად ასე მოიქცევიან პუტინს "გამოქცეული" რუსებიც. აქედან არავინ გაექცევა პუტინს... ისევ ქართველებს მოგვიწევს აქედან გაქცევა, - ამის შესახებ „ნაციონალური მოძრაობის“ თავმჯდომარე ნიკა მელია საკუთარ „ფეისბუქ“ გვერდზე წერს, რითაც საქართველოში რუსეთის მოქალაქეების შემოსვლას ეხმაურება.

ნიკა მელიას მაგალითად 1920 წელს, ოკუპაციამდე რამდენიმე დღით ადრე ეროვნული გმირის, მარო მაყაშვილის დღიურში გაკეთებული ჩანაწერი მოჰყავს, რომელშიც ის თბილისში რუსეთიდან ჩამოსულ ადამიანებზე საუბრობს.

,,ეროვნული გმირი მარო მაყაშვილი თავის დღიურში, 1920 წლის 16 აპრილს, საქართველოს ოკუპაციამდე რამდენიმე თვით ადრე, რუსებზე ასეთ რამეს წერს: თბილისი აივსო რუსი ლტოლვილებით, კავკასიიდან, როსტოვიდან, ეკატირენოდარიდან და სხვ. სულ აქ არიან. ქუჩაში თუ გავა ადამიანი, ყოველ ნაბიჯზე უცხო ტომები, მდიდრები, კარგად ჩაცმულები. გამოექცნენ ბოლშევიკებს. ყველანი ჩვენსკენ მორბიან. აქ კარგი თავშესაფარია, ჩვენც ყველას ვიღებთ, ვუმასპინძლდებით. სხვათა შორის, ჩამოვიდნენ არტისტები მოსკოვის სამხატვრო თეატრის კაჩალოვთან ერთად. ისინი ამბობენ: ჩვენ საშინელი წარმოდგენა გვქონდა საქართველოზეო. გვეგონა, აქ ყველა მხეცებია, ამოღებული ხანჯლებით დარბიანო და დღე სახლებში უვარდებიან, ჰკლავენ, სძარცვავენო.

სიზმარში გვეგონა თავი, აქ არაჩვეულებრივი ცხოვრებაა. ყველაფერია, მხიარულობენ, სიჩუმეა. ერთმა თქვა, რომ ჯერ ვერ შევეჩვიე ამ სიჩუმესო, მაშინ როდესაც ჩრდილოეთ კავკასიაში მარტო სროლა ისმის. მიკვირს, რომ დღისით გარეთ ვარო, ხალხს ვხედავო, მოსიარულეს, მოცინარეს. სამოთხეა, სამოთხე. რატომ ადრე არა ვიცოდით. როცა რაშიმე დავჭირდებით, მაშინ დაგვაფასებენ ხოლმე, ცხოველები, პირუტყვები ვეგონეთ. ესეც შენი ხალხი, რომელის ერთ დროს ქვეშევრდომნი ვიყავით, “პატარა პარიზიც” დაარქვეს. ფული ბლომად აქვთ. არაფერს ზოგავენ. ხელგაშლილად ცხოვრობენ

ამის დაწერიდან რამდენიმე თვეში ბოლშევიკებმა საქართველოც დაიპყრეს და გააწითლეს. ის რუსები კი, რომლებიც რუსეთიდან ბოლშევიკებს "გამოექცნენ" აქედან რატომღაც აღარსად გაქცევიან ბოლშევიკებს... ზუსტად ასე მოიქცევიან პუტინს "გამოქცეული" რუსებიც. აქედან არავინ გაექცევა პუტინს... ისევ ქართველებს მოგვიწევს აქედან გაქცევა თუ ყველა დროულად არ გამოვფხიზლდით როგორც საჭიროა და საფრთხე არ გავისიგრძეგანეთ“, - წერს ნიკა მელია.

სარეკლამო ადგილი - 11
650 x 60
ზურაბ ქადაგიძე: სწორი ეროვნული პოლიტიკა პირველ რიგში იმპერიებთან ჭიდილში, გარიგებებსა და კულუარულ შეთანხმებებში საქართველოს მშრალად და მშვიდობიანად გამოყვანას ნიშნავს
დავით ქართველიშვილი - ერთადერთი, რაც უეჭველი და იმედისმომცემია - "ქართულმა ოცნებამ" ამ ეტაპზე კოლოსალურ და უპრეცედენტო წნეხს გაუძლო
ვლადიმერ ბოჟაძე: რადიკალური ოპოზიციის მხრიდან ომის დაწყების თარიღით მანიპულირებას ერთადერთი მიზანი აქვს, დაფარონ ,,ნაციონალური მოძრაობის" ღალატი ჯარისკაცების და მშვიდობიანი მოსახლეობის წინაშე
დავით ზურაბიშვილი - სააკაშვილის ხელისუფლებაც სულ 8 აგვისტოს ასახელებდა ომის დაწყების დღეს
დავით მათიკაშვილი - სანამ მორიგ მავნებლურ და ფეიკკამპანიას დააორგანიზებენ, ცუდი არ იქნება ცოტა მეტი წაიკითხონ ან გაიგონ საკუთარი ქვეყნის უახლეს ისტორიაზე
არქივი