38-მა ქვეყანამ, მათ შორის საქართველომ, მიმართა ჰააგის სასამართლოს რუსეთის ომის დანაშაულების გამოძიებასთან დაკავშირებით, პუტინის მიმართ გამოცემული ორდერიც ამ გამოძიების შედეგია
სარეკლამო ადგილი - 10
650 x 60
156 19 მარტი 2023, 14:02

38-მა ქვეყანამ, მათ შორის საქართველომ, მიმართა ჰააგის სასამართლოს რუსეთის ომის დანაშაულების გამოძიებასთან დაკავშირებით, პუტინის მიმართ გამოცემული ორდერიც ამ გამოძიების შედეგია, – ამის შესახებ ფრაქცია „ქართული ოცნების“ თავმჯდომარე მამუკა მდინარაძე სოციალურ ქსელში წერს.

„ისევ მხოლოდ ფაქტები:

2022 წლის 2 მარტს, ომის დაწყებიდან ერთ კვირაში, მსოფლიოს 38-მა ქვეყანამ, მათ შორის საქართველომ, მიმართა ჰააგის სასამართლოს რუსეთის მიმართ ომის დანაშაულების გამოძიებასთან დაკავშირებით. ამ მიმართვას ბევრი ქვეყანა არ შეუერთდა, რომელთა შორისაც იყო, მაგალითად, მოლდოვა.

მიმართვის საფუძველზე ჰააგის სასამართლომ გამოძიება დაიწყო. პუტინის მიმართ რამდენიმე დღის წინ გამოცემული ორდერიც ამ გამოძიების შედეგია.

ეს ის დღეებია, როდესაც თბილისში საპროტესტო აქციები იმართებოდა მოტივით, რომ თითქოს საქართველოს ხელისუფლება მხარს არ უჭერდა უკრაინას… ეს ის დღეებია, როდესაც უკრაინის ხელისუფლებამ, იმავე მოტივით, საქართველოდან ელჩი გაიწვია…

რაც შეეხება ქართულ საკანონმდებლო ბაზას ჰააგის სასამართლოსთან მიმართებით:

მსოფლიოში საერთაშორისო სისხლის სამართლის სასამართლოს რომის წესდების მონაწილე 123 ქვეყანაა. დღევანდელი მოცემულობით, მათ შორის არ არიან, მაგალითად, თავად უკრაინა, რუსეთი, აშშ და სხვ.

საქართველო, რომის სტატუტის წევრი ქვეყნებიდან, იმ 22 ქვეყანას შორისაა, რომლებსაც სრულად აქვთ მორგებული ქვეყნის საკანონდებლო ბაზა ჰააგის სასამართლოსთან სათანამშრომლოდ, განსხვავებით ევროკავშირის წევრი 16 ქვეყნისგან, რომლებსაც დღემდე არ აქვთ შექმნილი საკანონდებლო ბაზა სასამართლოსთან პროცესუალური თანამშრომლობისთვის“, – წერს მამუკა მდინარაძე „ფეისბუქში“.

სარეკლამო ადგილი - 11
650 x 60
დიმიტრი ხუნდაძე: გახარიას უგუნურობის არაფერი ეტყობოდა არც მაშინ და არც დღეს ეტყობა. მაგრამ ის, რომ დამოკიდებული იყო, თავისი ქმედებით დაადასტურა
თამთა მეგრელიშვილი ნოდარ მელაძის გადაცემაზე: რაც სოროსის ფონდიდან ჯერ მიშას ჩინოვნიკებს და მერე ნახევარ მსოფლიოში მოხელეებს დამატებით ფულები აქვთ მიღებული, მელაძის ლოგიკით სოროსი მსოფლიო პოლიტიკური კორუფციის მამა გამოდის
ნინო ფოჩხუა ნოდარ მელაძეზე: გინდ გაართულოს ფრაზები, დაადოს მძაფრი მუსიკა და დრამატულად წაიკითხოს კამერების წინ უნიჭო მელაძემ სიცრუით გაჯერებული ტექსტი, ხალხს უკვე მისი არ სჯერა
ზურაბ ქადაგიძე: ოპოზიციურო არხებო მერამდენე სიუჟეტს უძღვნით უნამუსო მოქალაქეების გამოყენებით ჩვენი პოლიციელების დისკრედიტაციას? ყველაფერი გადამოწმებადია და საბოლოოდ თქვენ ზარალდებით და კარგავთ მაყურებელს ამ სიცრუის ტირაჟირების გამო
ლევან ნიკოლეიშვილი „მთავარი არხის“ სიუჟეტზე: ასეთი შავბნელი გაგების ხალხის „გაპრავებით“ გინდათ, მოქალაქეებზე ორიენტირებული, ობიექტური მედიის მანტიის მორგება?!
არქივი