თამარ ჩიბურდანიძე: ღრმად ვარ დარწმუნებული, რომ პოლიტიკურად ანგაჟირებული საზოგადოებრივი ორგანიზაციების მცდელობა - არ მოგვცენ სტატუსი, ამჯერადაც კრახით დასრულდება
სარეკლამო ადგილი - 10
650 x 60
118 15 სექტემბერი 2023, 18:28

„ხალხის ძალის“ წევრი, ანალიტიკოსი თამარ ჩიბურდანიძე საზოგადოებრივი ორგანიზაციების მიერ 12-პუნქტიანი გეგმის შესრულების თაობაზე დასკვნის გამოქვეყნებას განცხადებით ეხმაურება.

როგორც თამარ ჩიბურდანიძე წერს, ეს დასკვნა ცრუა და საზოგადოების პოლარიზებას ემსახურება.

„საზოგადოებრივმა ორგანიზაციებმა, რომელთა პოლიტიკური შეხედულებები რატომღაც სრულად ემთხვევა ოპოზიციური პარტიების და მათი უცხოელი ლობისტების შეხედულებებს, საკუთარი დასკვნა გამოაქვეყნეს ევროკავშირის მიერ დაწესებულ 12-პუნქტიანი გეგმის შესრულების თაობაზე.

ამ ცრუ დასკვნით, მათ კიდევ უფრო გააღრმავეს ის პოლარიზაცია, რისი აღმოფხვრისკენაც ხელისუფლებას მოუწოდებენ. დაპირისპირება და დეზინფორმაციით საზოგადოების გახლეჩა სწორედ მათი ხელშეწყობით ხდება და უმჯობესია, საკუთარ თავზე აიღონ ეს პასუხისმგებლობა ოპოზიციასთან ერთად.

რაც შეეხება დეოლიგარქიზაციას, ამ პრობლემის აღმოსაფხვრელად მარტივი რამ არის გასაკეთებელი - აიძულონ ოპოზიციური პარტიები და მათი ტელევიზიები უარი თქვან ოლიგარქ კეზერაშვილის ფულებზე. ასევე, თავადაც ნუ მოისყიდიან თავს უკრაინაში თუ სხვა ქვეყანაში მცხოვრები ოლიგარქების ფულებით.

თუ ნამდვილად არიან დაინტერესებულნი საზოგადოებრივი ორგანიზაციები სტატუსის მიღებით, ამას გააკეთებენ და საკუთარ თავზედაც აიღებენ პასუხისმგებლობას. სხვა შემთხვევაში მათი სიტყვები და ე.წ. დასკვნა არის სიყალბე და პირიქით, ემსახურება საზოგადოებაში ნეგატიური განწყობების შექმნას ხელისუფლების წინააღმდეგ და ამით ირიბად ეხმარებიან ოპოზიციას. ასევე, ევროპაში ოპოზიციის ლობისტებს ზურგს უმაგრებენ საქართველოდან, რომ სტატუსი არ მოგვანიჭონ.

ღრმად ვარ დარწმუნებული, რომ პოლიტიკურად ანგაჟირებული საზოგადოებრივი ორგანიზაციების მცდელობა, არ მოგვცენ სტატუსი, ამჯერადაც კრახით დასრულდება.“, - წერს თამარ ჩიბურდანიძე.

სარეკლამო ადგილი - 11
650 x 60
ზურაბ ქადაგიძე ოპოზიციაზე: ნებისმიერი მათი მცდელობა, დისტანცირდნენ სააკაშვილისგან და ფასადური "რე-ბრენდინგით" შექმნან სიახლის ილუზია, მარცხისთვისაა განკუთვნილი
დავით ქართველიშვილი: გვჭირდება საკონსტიტუციო უმრავლესობა, ლიბერალური ფაშიზმის გველეშაპი სრულებით თუ არ განადგურდა, იმ დონეზე უნდა დასუსტდეს, რომ მისმა „გველის წიწილებმა“ ან მოახდინონ ინტეგრირება ქართულ ტრადიციულ სივრცეში
თამთა მეგრელიშვილი: ოპოზიციურ სპექტრს მოვუწოდებდი - 2024 წლის არჩევნებისთვის სათანადო წესით მოემზადონ და არჩევნების ჩატარების ფორმაზე ნუ იქნებიან დამოკიდებულნი
დავით ქართველიშვილი ლგბტ პროპაგანდის აკრძალვაზე: არ ვიცი, რა საბოლოო სახეს მიიღებს დაანონსებული ახალი კანონი, თუმცა მის მიღებაში და დაცვაში სრულიად საქართველომ უნდა მიიღოს მონაწილეობა
ლევან ნიკოლეიშვილი: ოპოზიციას პირდაპირ ლგბტ-ს მხარდაჭერაც ეუხერხულებათ, თან თავის პატრონებისაც ეშინიათ, ამიტომ სავარაუდოდ ისევ „რუსული“ კანონის იდეას მიაწვებიან
არქივი