მიხეილ სააკაშვილი: სამწუხაროდ, ფილმი "იარე ლიზა", რომელიც წულუკიანის ბრძანებით დაფინანსდა, რუსული პროპაგანდის განუყოფელი ნაწილია, ისევე როგორც ფარცხალაძის ტროლფაბრიკები
სარეკლამო ადგილი - 10
650 x 60
165 23 სექტემბერი 2023, 17:12

ძალიან კარგმა რეჟისორმა - ნანა ჯანელიძემ გადაიღო ახალი ფილმი "იარე ლიზა". ამ ფილმში ჩემი მეგობრები თამაშობენ და ფილმი სახელმწიფოს მიერაა დაფინანსებული. ბევრმა ჟურნალისტმა ფილმის ფაბულა აღიქვა, როგორც აფხაზებისთვის ბოდიშის მოხდის მოტივი. არ მინდა ვინმეს ვაწყენინო, უბრალოდ მინდა ჩემი აზრი გამოვთქვა, იმის გათვალისწინებით, რომ აფხაზეთში მცხოვრებ ქართველებში და აფხაზ ახალგაზრდებში დიდი მხარდაჭერა მაქვს. - ამის შესახებ მსჯავრდადებული საქართველოს ყოფილი პრეზიდენტი მიხეილ სააკაშვუილი სოციალურ ქსელში წერს. 

"ვისაც ბოდიშის მოხდის სურვილი გაქვთ, პირველ რიგში, დაიწყეთ იმ ოჯახებისადმი ბოდიშის მოხდით, რომელთა ოჯახის წევრების თავებითაც ფეხბურთი ითამაშეს. ჩემი მეგობრის, დახვეწილი სოხუმელი ინტელიგენტის - მიშა კოკაიას, რომელიც სოხუმში შემოსვლისას ერთ-ერთი  პირველი დახვრიტეს აფხაზებმა, მისი ნათესავებისთვის ბოდიშის მოხდით. იქნებ გაიხსენოთ  ჟიული შარტავას, მამია ალასანიას და მათთან ერთად დაღუპული სრულიად უიარაღო ქართველების, მათ შორის სოხუმის მერის გაბისკირიას დახვრეტა, რომელმაც მუხლებზე დადგომაზე უარი თქვა და იქნებ მათ ნათელ ხსოვნას მოვუხადოთ ბოდიში იმისთვის, რომ მათ მკვლელებს პასუხი დღემდე ვერ ვაგებინეთ.

არ დავივიწყოთ აფხაზეთში დაცემული უკრაინელებიც!

იქნებ ბოდიში მოუხადოთ თქვენი კოლეგის - ლევან აბაშიძის სანათესავოს, რომელსაც მძინარეს ოთახში ხელყუმბარა შეუგდეს და იქნებ სათითაოდ მოუხადოთ ბოდიში 400 ათასზე მეტ აფხაზეთის მაცხოვრებელს, რომელთაც იძულებით დაატოვებინეს სამშობლო და დააკარგვინეს ყველაფერი.

სამწუხაროდ, ეს ფილმი, რომელიც წულუკიანის ბრძანებით დაფინანსდა, რუსული პროპაგანდის განუყოფელი ნაწილია, ისევე როგორც ფარცხალაძის ტროლფაბრიკები. 

ჩვენ გვაგუებენ საქართველოს ყველაზე მნიშვნელოვანი ტერიტორიის დაკარგვას, ამისთვისაც მოკლეს ლაზიკის პროექტი და ქუთაისის პარლამენტს ბოქლომი დაადეს იმიტომ, რომ ორივე დიდი პროექტი აფხაზეთთან გვაახლოებდა.

მიუხედავად ყველა მცდელობისა, აფხაზთა დიდი ნაწილი მიხვედრილია თუ რა უბედურ დღეში ჩააგდო რუსეთზე დამოკიდებულებამ - აფხაზეთში დრო გაჩერებულია, ყველაფერი განადგურებულია, ნარკომანია მასობრივად მოდებულია ახალგაზრდებში და პერსპექტივა საერთოდ არ ჩანს. სანამ მე, ერთ ცალკე აღებულ ქართველს - მიხეილ სააკაშვილს და მილიონობით ქართველს პირში სული გვიდგას, არც ბოდიშს მოვიხდით და არც აფხაზეთის დაკარგვას არ დავუშვებთ. 

უკრაინის ფონზე, ჩვენი გარდაუვალი ევროინტეგრაციისა და თავად აფხაზეთში დარჩენილი მოსახლეობის განწყობის გათვალისწინებით, ჩვენი გაერთიანება ერთი ხელის გაწვდენაზეა და ამ გზაზე ვერავინ აგვაღებინებს ხელს.
ჩვენ 2004 წელს აჭარაზე სუვერენიტეტი აღვადგინეთ. ბათუმის სასწაული ძალიან მძლავრ სიგნალს უგზავნის სოხუმს, ხომ მაგარია ჩემი ბათუმი? - სოხუმი კიდევ უფრო გამაოგნებლად მიმზიდველი და განვითარებული იქნება." - წერს მიხეილ სააკაშვილი ". 

სარეკლამო ადგილი - 11
650 x 60
ზურაბ ქადაგიძე ოპოზიციაზე: ნებისმიერი მათი მცდელობა, დისტანცირდნენ სააკაშვილისგან და ფასადური "რე-ბრენდინგით" შექმნან სიახლის ილუზია, მარცხისთვისაა განკუთვნილი
დავით ქართველიშვილი: გვჭირდება საკონსტიტუციო უმრავლესობა, ლიბერალური ფაშიზმის გველეშაპი სრულებით თუ არ განადგურდა, იმ დონეზე უნდა დასუსტდეს, რომ მისმა „გველის წიწილებმა“ ან მოახდინონ ინტეგრირება ქართულ ტრადიციულ სივრცეში
თამთა მეგრელიშვილი: ოპოზიციურ სპექტრს მოვუწოდებდი - 2024 წლის არჩევნებისთვის სათანადო წესით მოემზადონ და არჩევნების ჩატარების ფორმაზე ნუ იქნებიან დამოკიდებულნი
დავით ქართველიშვილი ლგბტ პროპაგანდის აკრძალვაზე: არ ვიცი, რა საბოლოო სახეს მიიღებს დაანონსებული ახალი კანონი, თუმცა მის მიღებაში და დაცვაში სრულიად საქართველომ უნდა მიიღოს მონაწილეობა
ლევან ნიკოლეიშვილი: ოპოზიციას პირდაპირ ლგბტ-ს მხარდაჭერაც ეუხერხულებათ, თან თავის პატრონებისაც ეშინიათ, ამიტომ სავარაუდოდ ისევ „რუსული“ კანონის იდეას მიაწვებიან
არქივი