დავით ქართველიშვილი: თუ რამე დაგვამარცხებს - არა მოწინააღმდეგის ავტორიტეტი, რომელიც მსხვრევადია, არამედ საკუთარი შეცდომები, რომელთა დაშვების უფლება ჩვენ უბრალოდ არა გვაქვს
სარეკლამო ადგილი - 10
650 x 60
112 08 ოქტომბერი 2023, 13:15
"ხალხის ძალის" წევრი, ანალიტიკოსი დავით ქართველიშვილი სოციალურ ქსელში ვრცელ პოსტს აქვეყნებს და მსოფლიოში მიმდინარე გეოპოლიტიკურ პროცესებს ეხმიანება. 

ქართველიშვილის თქმით, სულ რამდენიმე წლის განმავლობაში მთელ მსოფლიოში მოხდა ოდესღაც თითქოსდა უძლეველი ავტორიტეტების მსხვრევა. 


"სულ რაღაც რამდენიმე წლის განმავლობაში, მსოფლიოში მოხდა ოდესღაც თითქოსდა ურყევი ავტორიტეტების, ხელისუფლებებისა თუ ისტორიულ-პოლიტიკური მოცემულობების სრული კრახი:

✅ სომხეთით დაიწყო თუ გაგრძელდა, ამას დიდი მნიშვნელობა არა აქვს, მაგრამ "არცახის" გარშემო დაწერილი ერის ისტორია და სახელმძღვანელოები, სომხების სულიერი სიძლიერე, მათი უძლეველობა და ამ აუღებელ ციხე-სიმაგრედ ქცეული პროვინციის ლეგენდა ერთ დღეს დაიმსხვრა სომხების მიერ ყარაბაღის მიტოვება/ჩაბარებით;

✅ ამას წინ უსწრებდა ამერიკელების სამარცხვინო გაქცევა ავღანეთიდან, რაც მაშინ რაღაც მზაკვრულ გეგმად ჩანდა;

✅ რუსეთის არმია, რომელიც სერიოზულად ანგარიშგასაწევ ძალად ითვლებოდა, მაგრამ თვეების განმავლობაში ვერ უმკლავდება უკრაინის შეიარაღებულ ძალებს, ხოლო მის სპეცსამსახურებს "გაეპარა" ქვეყნის გადატრიალების სერიოზული მცდელობა. ასეა თუ ისე, უკრაინაში აშკარად რაღაც ისე არ მიდის , რაზეც იყო გათვლა კრემლში საომარი მოქმედებების დაწყებისთანავე;   

✅ ბრიტანეთის სამთავრობო ციებ-ცხელება, მათი სპეცსამსახურების არადამაჯერებელი მუშაობა ქვეყნის გავლენების შესანარჩუნებლად მსოფლიოში, უცნაური საკადრო გადაწყვეტილებები მინისტრთა კაბინეტში არა მხოლოდ ლონდონში, არამედ შოტლანდიაშიც;

✅ აფრიკაში საფრანგეთის ნეოკოლონიალური სისტემის სრული კრახი, რომელიც დაფუძნებული იყო ისეთ ფინანსურ და ლოგისტიკურ ქსელებზე, რომლებსაც თითქოს და "უვადო ვარგისიანობა" უნდა ჰქონდა;

✅ ამერიკული სამხედრო-სამრეწველო კომპლექსი, რომელიც უკრაინასთან მიმართებით იმდენად არადამაჯერებლად იქცევა, რომ ვერც საკუთარ გამოყოფილ თანხებს აკონტროლებს, ვერც საჭირო მიზნობრიობისა და რაოდენობის იარაღს აწვდის, ვერც უკრაინის შეიარაღებული ძალების სამხედრო ოპერაციების დაგეგმარებას ახორციელებს დამაჯერებლად და შედეგიანად

✅ ორი კვირის წინ დაინგრა აშშ-სა და ევროპის მონოპოლია მსოფლიო ბაზარზე მიკროელექტრონიკაზე, როდესაც ჩინეთმა წარადგინა თავისი მიკროპროცესორები;

✅ ამჟამად ისრაელი თავისი მაღალტექნოლოგიური თავდაცვის სამინისტროთი, ყველა ტიპის "უძლეველი" სპეცსამსახურებით და დაზვერვით, რომლებმაც რამდენიმე დღის წინ განაცხადეს, რომ პალესტინელები ვერ გაბედავდნენ სერიოზულ ქმედებებს ისრაელთან არაბულ მონარქიებთან მოლაპარაკებების ჩაშლის მიზნით.

ამ ყველაფერს აკვირდება ახალი გადაფორმატებისა და განახლების სტადიაზე მყოფი დანარჩენი მსოფლიო. აკვირდება და აკეთებს სათავისოდ საჭირო დასკვნებს. ამ პოზიციაზე ვართ ჩვენც. ქართველი რაგბისტების არ იყოს, თუ რამე დაგვამარცხებს - არა მოწინააღმდეგის ავტორიტეტი, რომელიც მსხვრევადია, არამედ საკუთარი შეცდომები, რომელთა დაშვების უფლება ჩვენ უბრალოდ არა გვაქვს," - წერს ქართველიშვილს.
სარეკლამო ადგილი - 11
650 x 60
ლევან ნიკოლეიშვილი ბალდის კანიონის პროექტის მოწინააღმდეგეებზე: ჰესი არ ააშენოთო, ხე არ გადარგოთო - ვინ არიან ეს ადამიანები, საიდან ფინანსდებიან?
თამთა მეგრელიშვილი: სამყაროს კანონზომიერების წინააღმდეგ ბრძოლაში იარაღი, სახელწოდებით ლიბერალიზმი, პირდაპირ ჯანსაღი ფსიქიკის ბავშვებისა და ცივილიზებულ სამყაროში დამკვიდრებული ფასეულობების მომაკვდინებელ იარაღად იქცა
თამთა მეგრელიშვილი: ტყუილია ყველა მცდელობა, ლიბერალიზმი გადაითარგმნოს როგორც უფლებებში თავისუფლება. მივმართავ საელჩოებს, გაეროს დაფინანსებული UNDP - ს პროგრამის ხელმძღვანელებს - გვიპასუხეთ რატომ აფინანსებთ LGBT პროპაგანდას საქართველოში?
გელა ნიკოლაიშვილი ხაზარაძე-ჯაფარიძეზე: სტრასბურგის სასამართლომ დაარეგისტრირა მათი სარჩელი, ანუ საშვთა ბიურომ ჩაიბარა - ამ ეტაპზე თავის გამარჯვებულად გამოცხადება თაღლითობის მაგალითია
ზურაბ ქადაგიძე: დამანგრეველი ეფექტი აქვს “ლგბტ” თეორიებს ბავშვებსა და არასრულწლოვანთათვის, როდესაც წახალისებულია პროპაგანდისტების მხრიდან
არქივი