206
06 ნოემბერი 2023, 22:36
"ხალხის ძალის" ერთ-ერთი ლიდერი დიმიტრი ხუნდაძე სოფელ კირბალთან საქართველოს მოქალაქის მკვლელობას სოციალურ ქსელში ეხმაურება.
ხუნდაძის თქმით, ოკუპანტს საქართველოს მოქალაქის მკვლელობა არ უნდა ეპატიოს.
*კატეგორიულად ვგმობ სოფელ კირბალთან მომხდარ საგანგაშო ინციდენტს - ოკუპანტების მიერ გასროლილმა ტყვიამ კიდევ ერთი ქართველი შეიწირა.
ჯერ არავინ ვიცით, რა მოხდა და რა ფაქტთან გვაქვს საქმე, თუმცა, გარდაცვლილია საქართველოს მოქალაქე და მკვლელი აუცილებლად უნდა დაისაჯოს! ამასთან შეგუება არ შეიძლება, ეს არ უნდა ეპატიოს ოკუპანტს.
ვუსამძიმრებ გარდაცვლილის ოჯახს, ახლობლებს და სრულიად საქართველოს!" - წერს დიმიტრი ხუნდაძე.
| სარეკლამო ადგილი - 11 650 x 60 |
