მიხეილ სააკაშვილი - „ნაციონალური მოძრაობის“ ყველა წევრს ვთავაზობ, შევქმნათ ერთიანობის მანიფესტი, თუ ვინმე არ მოისურვებს ხელის მოწერას, ავტომატურად დაიყენებს თავს პარტიის გარეთ
სარეკლამო ადგილი - 10
650 x 60
105 07 ნოემბერი 2023, 19:42

საქართველოს ყოფილი პრეზიდენტი მიხეილ სააკაშვილი „ნაციონალურ მოძრაობის“ ყველა წევრს და მხარდამჭერს მიმართავს, 23 ნოემბრამდე ერთად შექმნან მანიფესტი ფუნდამენტურ საკითხებზე.

როგორც სააკაშვილი სოციალურ ქსელში წერს, მანიფესტი უნდა შეიცავდეს პარტიული ერთიანობის შეთანხმებასაც და თუკი ვინმე არ მოისურვებს ამ შეთანხმებაზე ხელის მოწერას, ის ავტომატურად დაიყენებს თავს პარტიის გარეთ.

ამავდროულად, მიხეილ სააკაშვილი აღნიშნავს, რომ ვერ გაიზიარებს ზოგიერთ მოსაზრებას ლევან ხაბეიშვილის, პეტრე ცისკარიშვილის და პოლიტსაბჭოს ლეგიტიმაციის ნაკლებობასთან დაკავშირებით. სააკაშვილი ამბობს, რომ როგორც არასდროს, ახლა საჭიროა კონცენტრაცია საქმეზე და არა პირად ამბიციებზე.

„როგორც დაგპირდით, ვიწყებ ჩემი მოსაზრებების გამოქვეყნებას მომავლის ხედვებზე. ამ დღეებში ბევრი კამათია პარტიის ერთიანობაზე. მათ შორის, ბევრი კითხვა ისმება ჩემს დამოკიდებულებაზე ცალკეული ადამიანების მიმართ.

მე არ მაქვს პრობლემები კონკრეტულ ადამიანებთან, მაგრამ ვერ დავეთანხმები ცალკეულ მიდგომებს. მე ვარ შიდა პარტიული დებატების მომხრე, რაც ყოველთვის იყო „ნაციონალური მოძრაობის“ ძლიერი მხარე. დებატები საქმეზე არის ის, რაც აცოცხლებს სიტუაციას, მაგრამ მას შემდეგ, რაც დებატების შედეგად გადაწყვეტილება იქნა მიღებული, მისი რევიზიის მცდელობა ჩემთვის მიუღებელია. ამიტომ, კატეგორიულად ვერ გავიზიარებ ზოგიერთ მოსაზრებას ლევან ხაბეიშვილის, პეტრე ცისკარიშვილის და პოლიტსაბჭოს ლეგიტიმაციის ნაკლებობასთან დაკავშირებით. ისინი აბსოლუტურად ლეგიტიმურად აირჩნენ ფართოპარტიული არჩევნების შედეგად და ამ თემაზე ამდენი ხანი კამათი გვაკარგვინებს მთავარ მიმართულებას და ეს მხოლოდ ოლიგარქის ინტერესებშია. ახლა ჩვენ, არსებულ სიტუაციაში, როგორც არასდროს გვჭირდება კონცენტრაცია საქმეზე და არა პირად ამბიციებსა და წყენაზე.

ევროპა უკრაინის გმირობის და ტრაგედიის ფონზე გვაძლევს შანსს, მაგრამ ეს არ ცვლის იმ გარემოებას, რომ ქვეყანა პრაქტიკულად ოკუპირებულია და ამიტომ, მიუხედავად იმისა, რომ ევროპელებმა კარგად იციან, რომ ჩვენ ხალხს კანდიდატის სტატუსი ეკუთვნის, მათ მაინც უჭირთ გადაწყვეტილების მიღება ამ სტატუსთან მიმართებაში. ამიტომ, დანარჩენი უკვე ჩვენი გასაკეთებელია.

ჩვენ ხალხთან ერთად უნდა შევიმუშავოთ კონცეფცია, თუ როგორ ვაპირებთ ოლიგარქის მარწუხებისგან გათავისუფლებას და შემდეგ როგორი ქვეყნის აშენებას შევძლებთ. მე ვთავაზობ „ნაციონალური მოძრაობის“ ყველა წევრს და მხარდამჭერს, 23 ნოემბრამდე, ვარდების რევოლუციის მე-20 წლისთავამდე, ერთად შევქმნათ მანიფესტი ამ საკითხებზე. შემდეგ, 23-ში, ამ მანიფესტს, სადაც იქნება შესული ყველა ფუნდამენტური საკითხი, ერთობლივად მოვაწეროთ ხელი. მანიფესტი უნდა შეიცავდეს ასევე პარტიული ერთიანობის შეთანხმებას. თუკი ვინმე არ მოისურვებს ამ შეთანხმებაზე ხელის მოწერას, ის ავტომატურად დაიყენებს თავს პარტიის გარეთ და სხვა გზით მოუხდება წასვლა. ჩვენ კი შევძლებთ მომავალზე სრულად კონცენტრირებას.

ეს მანიფესტი უნდა იყოს ჩვენი ერთიანობის და განახლების უნარის პრეზენტაცია“, – წერს მიხეილ სააკაშვილი სოციალურ ქსელში.


სარეკლამო ადგილი - 11
650 x 60
ნანა კაკაბაძე „გამჭვირვალობის კანონზე“: „არა „რუსულ კანონს“! კი ფარას იდენტურ კანონს! - ჩვენ ევროპისა და ამერიკის წინააღმდეგ კი არ გვინდა ეს კანონი, არამედ კანონდამრღვევების წინააღმდეგ
თამთა მეგრელიშვილი ლაზარე გრიგორიადისის შეწყალებაზე-შეწყალება პრეზიდენტისათვის კონსტიტუციით მინიჭებული ექსკლუზიური უფლებამოსილებაა, ეს გამონაკლისი კი სალომე ზურაბიშვილმა კრიმინალების შესაწყალებლად უკვე არაერთხელ გამოიყენა
დავით ქართველიშვილი სალომე ზურაბიშვილზე: ბატურინი, რურუა, უგულავა, ოქრუაშვილი, გვარამია, ლაზარე - გისოსებიდან ყველა ქართულ პოლიტიკაში გამოუშვა
ლევან ნიკოლეიშვილი ლაზარე გრიგორიადისის შეწყალებაზე: ეს ნიშნავს, რომ დე ფაქტო პრეზიდენტი მომხრეა ნებისმიერი სახის არეულობაზე და ქვეყანაში დესტაბილიზაციის ჩამოყალიბებაზე
გრეტა წიწავა: ბრიფინგს პოლიტიკურად ანგაჟირებული „ნაცმოძრაობის“ მეხოტბე რომ თარგმნის, კი არის მისი ნათარგმნი გადასამოწმებელი. ბატონ შოლცს საერთოდ არ უხსენებია სიტყვა „აგენტი“, მაგრამ „ნაცმოძრაობის“ მეხოტბემ თარგმანიც გააყალბა
არქივი