ზურაბ ქადაგიძე: პროექტი „სალომე ზურაბიშვილი“ უკვე დაიწყო - შეაგროვებინებენ სიმბოლურ ხელმოწერებს და ზარ-ზეიმით ჩაატანინებენ ბრიუსელში, თითქოს კანდიდატის სტატუსი მისი ძალისხმევაა
სარეკლამო ადგილი - 10
650 x 60
127 08 ნოემბერი 2023, 23:19
ხალხის ძალის“ წევრი, ანალიტიკოსი ზურაბ ქადაგიძე კანდიდატის სტატუსის საქართველოსთვის მინიჭებასთან დაკავშირებით ევროკომისიის მიერ გაცემულ რეკომენდაციას სოციალურ ქსელში ეხმაურება. 

როგორც ზურაბ ქადაგიძე წერს, „გლობალური ომის პარტიას“ არ აწყობს აღნიშნული მიღწევა „ქართულ ოცნებას“ დაუკავშირდეს, ამიტომ პოლიტიკურ ველზე „ახალ ძალას“ - სალომე ზურაბიშვილს შემოიყვანს და შეეცდება,  მას მიაკუთვნოს ხელისუფლების ეს მიღწევა. 

„ოპოზიციის „რებრენდინგი“ და ახალი პროექტი - „სალომე ზურაბიშვილი“…

მას შემდეგ, რაც მიშა კონტეინერით შემოაპარეს და რევოლუცია ვერ მოაწყო, სიმულაციით სამოქალაქო დაპირისპირება ვერ გამოიწვია და ის რეიტინგიც კი გაუქრა, რაც ფანტომურად ჰქონდა, ფაქტობრივად ჩამოწერეს საქონელივით.

მეორე ფრონტის პროექტი  ჩავარდა და სტატუსით ვაჭრობამ „მაიდანი“ ვერ გამოიწვია, რუსული იარლიყების მიკერებამ კანონპროექტებზე სამოქალაქო დაპირისპირება ვერ აპროვოცირა, უკუპროპორციულად თვითონ დააზარალა ე.წ. გლობალური ომის პარტია.

აქედან გამომდინარე, ასეთი ფორმაციის რადიკალიზმმა და სტატუსით ვაჭრობამ ამოწურა საკუთარი თავი.

ამიტომაც, სტატუსს არა სახელმწიფო პოლიტიკის დამსახურებად, არამედ კონკრეტული პოლიტიკური აქტორების ძალისხმევად შემოსაღებას ეცდება „ომის პარტია“ და საკუთარი ადგილობრივი ფილიალის „რებრენდინგს“ შემოგვთავაზებს.

პროექტი - „სალომე ზურაბიშვილი“ უკვე დაიწყო. 

შეაგროვებინებენ სიმბოლურ ხელმოწერებს და დიდი ზარ-ზეიმით ჩაატანინებენ ბრიუსელში. 

ეს, იმის დემონსტრირება იქნება, რომ პრეზიდენტმა ჩაიტანა ქართველი ხალხის ნება ევროპაში და დეკემბრის გადაწყვეტილებაც მისი ძალისხმევაა.

პარალელურად, ხაზარაძეებს, გახარიებს, ლომჯარიებს, ხუხაშვილებს და ათასი რჯულის უსამშობლოს მიდენიან ცხვრებივით სალომესთან და მის გარშემო ეცდებიან შექმნან „სოლიდური“ ოპოზიციური სპექტრი, რომელსაც ექნება ფასადური იმიჯი, თუმცა ნულოვანი მხარდაჭერა მოსახლეობისაგან, რადგან ერთი ეგეთი პროექტი ფასადური იმიჯითა და ფსევდოევროპული ღირებულებებით იყო - „ვარდების რევოლუცია“.

2003 წელს საქართველოში მოხდა ტრაგედია, რომლის მემკვიდრეობაც დღემდე მოუშუშებელია ქართველი ხალხისთვის და იგივე ანალოგი 2024 წელს იქნება ფარსი, რადგან ქართველი ადამიანის ბუნებას ცუდად იცნობენ - ბევრჯერ დაუშვებს შეცდომას, მაგრამ ერთხელ გადაგდებულ „აგენტოკრატების“ უღელს უკან აღარ დაიდგამს!“, - წერს ზურაბ ქადაგიძე.
სარეკლამო ადგილი - 11
650 x 60
სალომე ჯინჯოლავა: ერთსულოვნება, სიმშვიდე, სიდინჯეა ქართველი კაცის ბუნება. ჩემი საქართველო იქაა, სადაც ოჯახს, რწმენას, ეროვნულ იდენტობასა და ტრადიციებს იცავენ
რატი იონათამიშვილი: მტკიცედ გამოჩნდა, რომ ჩვენი საზოგადოება არის ერთიანი და ამ ერთიანობას აქვს უდიდესი შინაარსი - ოჯახის ფასეულობათა დაცვით ქვეყნის სუვერენიტეტისა და ღირსების დაცვა
დავით ქართველიშვილი: აქტიურად ავრცელებენ სიცრუეს, რომ კანონი ეხება ფიზიკურ პირებს ან მით უმეტეს, ავალდებულებს მათ სადმე დარეგისტრირებას - „ფიზიკური პირი" კანონში საერთოდ არაა ნახსენები
ნინო წილოსანი: ტყუილია, თითქოს ფიზიკურ პირს სადმე დარეგისტრირება ევალება. არსად ასეთი ვალდებულება არ ეკისრება. ზოგადად სიტყვა „ფიზიკური პირი” არსად გვიწერია კანონში
ანრი ოხანაშვილი: რადიკალები კიდევ ერთხელ იტყუებიან, თითქოს ფიზიკურ პირებს უცხო ძალის ინტერესების გამტარებელ სუბიექტად დარეგისტრირება ევალებათ - კანონი ამას არც ითვალისწინებდა და არც ახლა ითვალისწინებს! არა დეზინფორმაციას!
არქივი