დავით ქართველიშვილი: „ორი ტრუპი-მინდას“ კონცეფცია წელს შეეცდება თავის ფინალურ, ვერაგ განხორციელებას, მაგრამ დარწმუნებული ვარ, ამის შესაძლებლობა არ მიეცემა
სარეკლამო ადგილი - 10
650 x 60
76 27 იანვარი 2024, 13:00

უკვე დღეიდან, მერამდენედ მინდა მივმართო იმ ახალგაზრდების მშობლებს, ბებია/ბაბუებს: მზად არიან თუ არა, უმძიმესი ჯვრის ტარებისთვის, როდესაც მათ საყვარელ პირმშოს დაუნდობელი, უსულო, უსამშობლო იდეოლოგიური მანქანა ამოირჩევს თავისი განუხორციელებელი პოლიტიკური მიზნების ხორცშესასხმელად „შესაფერისი“ მსხვერპლის როლში, - ამის შესახებ „ხალხის ძალის“ წევრი, ანალიტიკოსი დავით ქართველიშვილი სოციალურ ქსელში წერს.

მისი თქმით, რადიკალური ოპოზიცია კვლავ შეეცდება ქვეყანაში არეულობის მოწყობას, მაგრამ მას ეს არ გამოუვა.

„დაიწყო ახალი საარჩევნო წელი და ვაკვირდებით მავნებლების მხრიდან, ამ ეტაპზე ჯერ კიდევ „მოთელვას“. ყველაფერი დაიწყო ეკლესიური თემატიკით, არაგენმოდიფიცირებულ საზოგადოებაში „ჩორტებისა“ და ფასეულობათა საბაზისო ღირებულების ირგვლივ ბზარების გაჩენის მიზნით. მიაღწიეს დაგეგმილს? „ისე რა“ - მე რომ მკითხოთ, თუმცა მცდელობა ჩაეთვალათ, მაგრამ წინ გვაქვს მათი უფრო შორს მიმავალი ამოცანები...

წელს მაინც, შეეცდებიან „გენერალ როდიონოვის“ გზას დაადგნენ. რომ არა 1989 წლის 9 აპრილს სასანგრე ნიჩბებით საქართველოს დამოუკიდებლობას ზვარაკად შეწირული ჩვენი ბიჭების, გოგონების, მათი ბიძებისა და ბებიების „რიტუალური" მსხვერპლშეწირვა, 2024 წელი სად და როგორ გაგვითენდებოდა, ეს ცალკე საკითხავია.

„ორი-ტრუპი-მინდას“ კონცეფცია წელს შეეცდება თავის ფინალურ, ვერაგ განხორციელებას. მე იმედი მაქვს კი არა, დარწმუნებული ვარ ჩემს ყოფილ კოლეგებში, ამ შემდგარ სახელმწიფოში და მის მოქმედ ხელისუფლებაში, რომ თავის „გედის სიმღერად" გლობალური ომის პარტიის მესვეურებს და მათ ცალ ფეხზე მდგომ ლაქია-ჯალათებს ამ მიზნის მისაღწევი შესაძლებლობა არ მიეცემათ.

მაგრამ, უკვე დღეიდან, მერამდენედ მინდა მივმართო იმ ახალგაზრდების მშობლებს, ბებია/ბაბუებს: მზად არიან თუ არა, უმძიმესი ჯვრის ტარებისთვის, როდესაც მათ საყვარელ პირმშოს დაუნდობელი, უსულო, უსამშობლო იდეოლოგიური მანქანა ამოირჩევს თავისი განუხორციელებელი პოლიტიკური მიზნების ხორცშესასხმელად „შესაფერისი" მსხვერპლის როლში.

ვიმეორებ, იმედი მაქვს და დარწმუნებული ვარ, რომ ჩვენ ამ განსაცდელს თქვენ აგარიდებთ, მაგრამ თქვენ თუ ხართ მზად, ამაში საკუთარი, მშობლიური წვლილი შეიტანოთ? თუ მზად ხართ ამ გაუგონარ კოშმარში თანამონაწილეობისაგან თავის ასარიდებლად? მსგავსი შინაარსის სტატუსს, არ დამეზარება და ხშირად გავიმეორებ, რამეთუ არც ერთი, მით უმეტეს დაგეგმილი მსხვერპლი, მე ამ ლუციფერის „მოციქულებისთვის“ არ მემეტება!“, - წერს ქართველიშვილი.

სარეკლამო ადგილი - 11
650 x 60
დავით ქართველიშვილი: პოლიციელისთვის დაუმორჩილებლობის გამო დაკავებული ელისაშვილის დაზიანებულ ტუჩს მისტირიან ისინი, ვისთვისაც მისი „მუშტი" ისეთივე „წმინდა გრაალად" უნდა იქცეს, როგორც ამერიკაში დაკავებისას ლიკვიდირებული ნარკოდილერის, ჯორჯ ფლოიდის პატივსაცემად ეროვნული დღესასწაულის დაწესება
დიმიტრი ხუნდაძე: ვიოლა ფონ კრამონმა გაამხილა მათი გეგმები - მისი თქმით, „გაყალბებული არჩევნების შემდეგ ბიძინა ივანიშვილის დასანქცირება“ იგეგმებოდა
დავით ქართველიშვილი: „დაუძინებელი დაქალი“ ვიოლა ფონ კრამონი ძალიან „ზრუნავს“ ბიძინა ივანიშვილის დანაზოგებზე
გიორგი ვოლსკი: როდესაც რევოლუციურ პროცესებს უკეთებ ორგანიზებას, ეს ნიშნავს, რომ უპირისპირდები ეროვნულ ინტერესებს. ყველა, ვინც ამას ორგანიზებას უკეთებს, წინაპირობას ქმნის, რომ კვლავ რუსეთი აღმოჩნდეს მოგებულ მდგომარეობაში
ელენე ედანიშვილი: მე და ჩემი მეგობრები მშვიდობიანად ვივლით ევროპის გზაზე და არც კი შეეცადოთ ჩვენი სახელის გამოყენებას
არქივი