ლევან ნიკოლეიშვილი ლაზარე გრიგორიადისის შეწყალებაზე: ეს ნიშნავს, რომ დე ფაქტო პრეზიდენტი მომხრეა ნებისმიერი სახის არეულობაზე და ქვეყანაში დესტაბილიზაციის ჩამოყალიბებაზე
სარეკლამო ადგილი - 10
650 x 60
48 12 აპრილი 2024, 22:22

ექსპერტი ლევან ნიკოლეიშვილი სალომე ზურაბიშვილის მიერ პოლიციელებზე თავდასხმის ფაქტზე ბრალდებული ლაზარე გრიგორიადისის შეწყალებას სოციალურ ქსელში ეხმიანება.

როგორც ექსპერტი აღნიშნავს, სალომე ზურაბიშვილი ფაქტობრივად არათუ ეთანხმება აქციების დროს მოლოტოვის კოქტეილების გამოყენებას, არამედ ვერაფერს ხედავს იმაში უჩვეულოს, რომ რომელიმე მომიტინგემ სამართალდამცავის, განსაკუთრებით პოლიციელის ცოცხლად დაწვის გადაწყვეტილება მიიღოს.

მისივე თქმით, ეს ნიშნავს, რომ დე ფაქტო პრეზიდენტი მომხრეა ნებისმიერი სახის არეულობაზე და ქვეყანაში დესტაბილიზაციის ჩამოყალიბებაზე.

„მოულოდნელი არაა, რომ სალომე ზურაბიშვილი ლაზარე გრიგორიადისის შეწყალებას აპირებს. ის ფაქტობრივად არათუ ეთანხმება აქციების დროს მოლოტოვის კოქტეილების გამოყენებას, არამედ ვერაფერს ხედავს იმაში უჩვეულოს, რომ რომელიმე მომიტინგემ სამართალდამცავის, განსაკუთრებით პოლიციელის ცოცხლად დაწვის გადაწყვეტილება მიიღოს. ეს ნიშნავს, რომ დე ფაქტო პრეზიდენტი მომხრეა ნებისმიერი სახის არეულობაზე და ქვეყანაში დესტაბილიზაციის ჩამოყალიბებაზე. ვიმეორებ, რომ დიდად გაკვირვებულიც ქალბატონი ზურაბიშვილის ამ განზრახვის თაობაზე არ ვარ : მან ჯერ თავის დროზე ქართულ ჯარს დააბრალა 2008 წელს ომის დაწყება, მერე სულ რამდენიმე ხნის წინ სასტიკად ეწინააღმდეგებოდა საქართველოსთვის ევროკავშირის კანდიდატის სტატუსის მიღებას, აქაოდა საქართველო არ იმსახურებსო, არაერთხელ აღნიშნა, რომ ომში მყოფი, ნახევრად განადგურებული უკრაინა თითქოსდა ჩვენზე წინ რომ არის, და ბოლოს როგორც რადიკალებისა და მავნებლების ახლად ჩამოყალიბებული ლიდერი ასევე კატეგორიულად ეწინააღმდეგება გამჭვირვალობის კანონს, წაუკითხავად უწოდებს მას რუსულს, შავი ფულის შემოდინების და ხარჯების მიზნობრიობის დამალვის მომხრეა, რაც მის ცალკეულ ანტისახელმწიფოებრივ ინტერესებზე იძლევა ეჭვის საფუძველს. რადგან სალომე ზურაბიშვილის ქმედებები დღითი დღე სწორედაც მოლოტივის კოქტეილზე ცეცხლის წაკიდებას ემგვანება, მე პირადად მიზანშეწონილად მიმაჩნია, რომ აუცილებლად უნდა დადგეს გამოძიების დაწყების საკითხი: თუ რა მიზნით და ვისი დავალებით საუბრობს და მოქმედებს, სალომე ზურაბიშვილი არა მარტო კონსტიტუციის, არამედ ქართული სახელმწიფოსა და ხალხის წინააღმდეგ!”- წერს ლევან ნიკოლეიშვილი.

სარეკლამო ადგილი - 11
650 x 60
ზაალ მიქელაძე: გლობალური ომის პარტიის დავალებით ,,რიგითი" ზურაბიშვილის დაარსებული „ლოკალური ომის ქარტიის“, ,,კასრების" და ,,უჩა აბაშიძის" მორალის ჯგუფების გაერთიანება ვერ შეუცვლის საქართველოს სუვერენიტეტს, დამოუკიდებლობას, ტრადიციებს
გია აბაშიძე-ფსევდო-მეგობარი ნეოკოლონიალისტების ტოქსიკური პროპაგანდისა და ე.წ. სანქციების ფონზე, მშვიდობასა და სტაბილურ განვითარებაზე ორიენტირებული საქართველო ფონს გავა და ფართო რეგიონსაც კეთილდღეობას მოუტანს
ზურაბ ქადაგიძე: ვიტალი-ჯოტო გუგუჩია (ვითომ ფორთოხლის გამყიდველი) იყო მეგის ქარდავას პირადი ზონდერი, მისი ხელდასმული გამომძიებელი ნაცრეჟიმის დროს
რატი იოთამიშვილი - მამუკა მდინარაძე არის პატიოსნების და პატრიოტიზმის მაგალითი, რაც არ უნდა იკადროს კოლექტიურმა „ნაცმოძრაობამ“, შედეგი იქნება მხოლოდ ერთი, საკუთარ ფაშისტურ ბუნებას გვაჩვენებენ
გია აბაშიძე: ბრიუსელისა და სტრასბურგის ოფისებში რუსეთის ჩარევის გამოძიების ფარგლებში ჩხრეკა ჩატარდა. ეს იმ ფონზე ხდება, როცა ევროკრატები საქართველოს უსინდისოდ აბრალებენ ე.წ. პრორუსულობას და თავად არიან რუბლების გავლენის ქვეშ
არქივი