42
22 აპრილი 2024, 15:21
ექსპერტი ზაალ ანჯაფარიძე, "ქართული ოცნების" 29 აპრილს გასამართ საერთო-სახალხო შეკრებასთან დაკავშირებით, რადიკალური ოპოზიციის და მასთან აფილირებული არასამთავრობო ორგანიზაციების რეაქციებს სოციალურ ქსელში ეხმიანება.
ანჯაფარიძის განცხადებით, ცალკეული გამონაკლისების გარდა, ხელისუფლების წარმომადგენლებს, "გამჭვირვალობის კანონის" მოწინააღმდეგეების მისამართით ღია შეურაცხყოფა არ გამოუთქვამთ. ამის საპირისპიროდ, ექსპერტის თქმით, რადიკალებმა, მმართველი გუნდის აქციის დაანონსებისთანავე დაიწყეს აქციის მონაწილეთა შეურაცხყოფა ყველაზე ბინძური მეთოდებით.
"მიაქციეთ ყურადღება, ხელისუფლების ოფიციალურ პირებს, ცალკეული გამონაკლისები თუ არის ისინი არ ჩაითვლება, არცერთ კომენტარში თუ ფბ-პოსტში არ მიუყენებიათ ღია შეურაცხყოფა უცხოური გავლენის გამჭვირვალობის კანონის მოწინააღმდეგეებისათვის.
საკმარისი იყო ხელისუფლების და მისი პოლიტიკის მხარდამჭერთა აქცია გამოცხადებულიყო, რომ რადიკალურმა ოპოზიციამ და მათთან აფილირებულმა NGO-ებმა წინმსწრებად დაიწყეს აქციის მონაწილეთა შეურაცხყოფა ყველაზე ბინძური მეთოდებით.
სწორედ ეს გახლავთ, ის რაც რადიკალურ ოპოზიციას და მათ შიდა თუ გარე მხარდამჭერებს, ართმევს შანსს რომ ხალხის ნდობა მოიპოვონ. ნდობის გარეშე კი ვერც ხელისუფლებაში მოვლენ. რა გზა რჩებათ? ... ვფიქრობ თავადაც ხვდებით კარგად" - წერს ზაალ ანჯაფარიძე.
| სარეკლამო ადგილი - 11 650 x 60 |
