ერთ-ერთი დიპლომატისგან მივიღეთ ინფორმაცია, რომ ბიძინა ივანიშვილი ანაკლიის პროექტს განიხილავდა, როგორც პოლიტიკურ ინსტრუმენტს მის წინააღმდეგ
სარეკლამო ადგილი - 10
650 x 60
454 15 ოქტომბერი 2019, 22:09

მე ვიცი, რომ ბიძინა ივანიშვილს არ უნდა ანაკლიის პროექტი. ალბათ, არსებობს კიდევ რაღაც ვალდებულებები, რომელსაც ხმამაღლა არ ამბობს, - ამის შესახებ საზოგადოებრივი მოძრაობა „ლელოს“ დამფუძნებელმა მამუკა ხაზარაძემ „ინტერპრესნიუსს“ განუცხადა.

კითხვაზე, თუ რა მოხდა კონკრეტულად მასსა და ბიძინა ივანიშვილს შორის რის შემდეგადაც ურთიერთობები გაფუჭდა, მამუკა ხაზარაძე პასუხობს, რომ „ეს ბიძინა ივანიშვილს უნდა ვკითხოთ“.

ამასთან, მამუკა ხაზარაძის განცხადებით, მთავრობის წევრები რასაც ამბობენ ანაკლიის პროექტთან დაკავშირებით „სახალხოდ და რასაც ამბობენ კარს მიღმა, რადიკალურად სხვადასხვა რამ არის“. მისი თქმით, რეალობა კი ისაა, რომ მთავრობას ანაკლიის პროექტის განხორციელება არ უნდა.

„ეს არის ტყუილების ქარხანა. „ბოტების“ და „ტროლების“ ქარხნები რომ აქვთ, დაახლოებით სიცრუის მანქანა - ამაში გვაცხოვრებენ. რეალობა ის იყო, რომ საბოლოო ჯამში, მათ ეს პროექტი არ უნდათ, თუ რის გამო, ეს მათ უნდა ჰკითხოთ. წელიწადნახევარია კონსორციუმს ებრძვიან, ვხედავთ, როგორ ებრძვიან და ეპყრობიან ინვესტორს და ამაზე მეტი დამადასტურებელი ფაქტი რა არის?! ტედ ჯონასის („ანაკლიის განვითარების კონსორციუმის“ სამეთვალყურეო საბჭოს წევრი) კომენტარები ნახეთ, კიდევ კარგი, რომ ბოლო სამ თვეში ჩვენ არ ვიყავით ჩართული ამ შეხვედრაში. კითხვა მაქვს - ბიძინა ივანიშვილის მმართველობამ ბოლო შვიდი წლის განმავლობაში რომელი უცხოური ინვესტიცია შემოიტანა?! ბიძინა ივანიშვილის გარდა, თუ კიდევ ვის არ უნდა ამ პროექტის განხორციელება, ივანიშვილს ჰკითხეთ. მე ვიცი, რომ მას არ უნდა . ალბათ, არსებობს კიდევ რაღაც ვალდებულებები, რომელსაც ხმამაღლა არ ამბობს“, - განაცხადა მამუკა ხაზარაძემ.

ხაზარაძის თქმით, ანაკლიის ღრმაწყლოვანი პორტის პროექტი გეოპოლიტიკური პროექტია და ამასთან დაკავშირებით პერიოდულად ვლინდებოდა ბიძინა ივანიშვილის და მთავრობის წევრების დამოკიდებულება.

„ამხელა მნიშვნელობის პროექტის მიმართ თვითონ მისი მინისტრები, მისი კიდევ რამდენიმე ადამიანი, პერიოდულად ჩვენს წინააღმდეგ თავდასხმებში იღებდნენ მონაწილეობას და პოლიტიკურ სარჩულს აძლევდნენ, რომ ყველას დაერტყა ანაკლიისთვის. რომელი ვალდებულებების არშესრულებაზეა ლაპარაკი, როდესაც ხუთი ინვესტორი მოვიყვანეთ და დღესაც მზად არიან“, - განაცხადა ხაზარაძემ.

ხაზარაძის თქმით, გეოპოლიტიკის გარდა, ანაკლიის პროექტის მიმართ პიროვნული მიუღებლობაც არის. ამასთან, მისი თქმით, დიპლომატისგან მიიღეს ინფორმაცია, რომ ბიძინა ივანიშვილი, „ანაკლიის პროექტს განიხილავდა, როგორც პოლიტიკურ ინსტრუმენტს მის წინააღმდეგ“. აღნიშნული დიპლომატის ვინაობას მამუკა ხაზარაძე არ ასახელებს.

რაც შეეხება ანაკლიის კონსორციუმს, მამუკა ხაზარაძის თქმით, ის აღარ წარმოადგენს კონსორციუმს, თუმცა კონოსორციუმის წარმომადგენლებმა პოზიცია უკვე დააფიქსირეს.

„ამაზე მეტი რა უნდა თქვან?!. კონსორციუმი სახელმწიფოს მოქმედებას ელოდება, შესაბამისად იმოქმედებს თავის სტრატეგიის თანახმად“, - განაცხადა ხაზარაძემ.


სარეკლამო ადგილი - 11
650 x 60
დუშეთის მუნიციპალიტეტში სოფელ ახატანის წყალმომარაგებისთვის სისტემის მშენებლობა მიმდინარეობს
ნათია თურნავა - „ნამახვანჰესთან“ დაკავშირებით განიხილება, როგორც პროექტის გაგრძელება ENKA Renewables-ის მიერ, ასევე მათი პროექტიდან გასვლა გარკვეული პირობებით
ნათია თურნავა - ეკონომიკისა და მდგრადი განვითარების სამინისტრომ რამდენიმე მილიარდი დოლარის ღირებულების ახალი საინვესტიციო პაკეტი და პროექტი მოამზადა
"თუ შევხედავთ მსოფლიოში ინფლაციის დონეს, ყველგან იზრდება, მაგრამ ჩვენი მოსახლეობისთვის ეს მეტად მტკივნეულია, ამაზე ყოველთვის ვსაუბრობთ და არ გავურბივართ"
საქართველოს უპრეცედენტო ეკონომიკური ზრდა აღდგენამდე მიმავალ პოსტ-პანდემიურ გზაზე
არქივი