სალომე ზურაბიშვილმა რამდენჯერმე მიმართა ამომრჩეველს, ანუ, მეც მომმართა. მიმართა „ქართულ ოცნებას“, თუ ჩვენ მოგვმართა, ჩვენ მას მივუთითეთ, რომ ის გასულია კონსტიტუციის ჩარჩოებიდან, ამის შესახებ ფრაქცია „ქართული ოცნების“ თავმჯდომარის მოადგილემ, გია ცაგარეიშვილმა გადაცემაში „იმედი LIVE“ ისაუბრა.
„თუ მიმართა ნაცმოძრაობასა და მის ამომრჩეველს, მაშინ გასაგებია, რატომაა ის გასული კონსტიტუციის ჩარჩოებიდან. სადაც ნაცმოძრაობა იყო, იქ იყო ყველაფრის ფეხქვეშ გათელვა. როგორც ჩანს, თავისი გადაწყვეტილებები პრეზიდენტმა ნელ-ნელა ამ ძალის პოლიტიკურ გემოვნებას დააფუძნა. ხარი ხართან რომ დააბა, ან ზნეს იცვლის, ან ფერსაო - როგორც ჩანს, ერთიც შეცვლა და მეორეც. ვფიქრობ, როცა ამ ქვეყნის პრეზიდენტი ხარ, მხოლოდ შენი სამრეკლოდან არ უნდა უყურებდე ქვეყანას“, - განაცხადა ცაგარეიშვილმა.
| სარეკლამო ადგილი - 11 650 x 60 |
