46
17 დეკემბერი 2025, 00:04
დიდი ბრიტანეთის მთავრობამ დაუკვეთა დამოუკიდებელი შემოწმება ქვეყნის პოლიტიკაში უცხოური ფინანსური ჩარევის საკითხზე. ინფორმაციას ამის შესახებ ბრიტანეთის მთავრობა ავრცელებს.
„მთავრობამ დაუკვეთა დამოუკიდებელი შემოწმება გაერთიანებული სამეფოს პოლიტიკურ და საარჩევნო სისტემებში უცხოური ფინანსური ჩარევის საკითხზე, რომელსაც ევროკავშირიდან გასვლის დეპარტამენტის ყოფილი მუდმივი მდივანი, ფილიპ რაიკროფტი უხელმძღვანელებს“, - ნათქვამია განცხადებაში.
„აღნიშნული შემოწმება არის პასუხი ბრიტანული დემოკრატიისთვის პოლიტიკური ჩარევის შედეგად შექმნილ მზარდ საფრთხეზე, მათ შორის ევროპარლამენტის ყოფილი წევრის, ნეითან გილისა [გასულ თვეში დამნაშავედ ცნეს და 10.5 წლით თავისუფლების აღკვეთა მიუსაჯეს პრორუსული ნარატივების ხელშეწყობის მიზნით ქრთამის აღებისთვის] და კრისტინ ლის [დიდ ბრიტანეთში მოღვაწე იურისტი, რომელიც იდენტიფიცირებული იყო როგორც ჩინეთის კომუნისტური პარტიის ფარული აგენტი] შოკისმომგვრელ შემთხვევებზე“, - აცხადებენ ბრიტანეთის მთავრობაში.
შემოწმება უზრუნველყოფს ამჟამინდელი ფინანსური წესებისა და დაცვის მექანიზმების სიღრმისეულ შეფასებას და შესთავაზებს რეკომენდაციებს უცხოური პოლიტიკური ჩარევის რისკების შემდგომი შემცირებისთვის.
| სარეკლამო ადგილი - 11 650 x 60 |
