რატომღაც თქვენ არ გახსენდებათ სხდომის დაწყებისთანავე ოპოზიციის, ქალბატონი დეპუტატების წიოკი, რატომ არ მეკითხებით ეს იყო თუ არა დეპოლარიზაციისთვის?!
სარეკლამო ადგილი - 10
650 x 60
74 23 ივნისი 2022, 14:35

რატომღაც თქვენ არ გახსენდებათ სხდომის დაწყებისთანავე ოპოზიციის, ქალბატონი დეპუტატების წიოკი, რატომ არ მეკითხებით ეს იყო თუ არა დეპოლარიზაციისთვის?! - ასე პასუხობს საპარლამენტო უმრავლესობის წევრი გურამ მაჭარაშვილი ჟურნალისტების კითხვას, პრემიერ- მინისტრის გუშინდელი განცხადებები რამდენად დაეხმარება დეპოლარიზაციას.

როგორც გურამ მაჭარაშვილი აცხადებს, ევროკომისიის დასკვნის გამოქვეყნების შემდეგ ოპოზიციამ თავად დაიწყო პოლარიზაცია.

მაჭარაშვილის თქმით, ოპოზიციას არ აინტერესებს კანდიდატის სტატუსი და გუშინდელ სესიაზეც დაამტკიცეს, რომ "მათთვის მთავარია, თვითონ მოვიდნენ ხელისუფლებაში, ომის, არეულობის ფასად, პოლარიზაციის ფასად".

„ამ პუნქტების გამოქვეყნების შემდგომ მყისიერად დაიწყო თავად რადიკალურმა ოპოზიციამ პოლარიზაცია იმით, რომ დაუმორჩილებლობაზე დაიწყო საუბარი, ბიძინა ივანიშვილის სანქცირებაზე, ხელისუფლების შეცვლაზე, ეს ნიშნავს, რომ მათ არანაირი დეპოლარიზაცია არ სურთ, თუმცა, ჩვენი მხრიდან იქნება ყველაფერი გაკეთებული.

რაც შეეხება კითხვებზე და მათ განცხადებებზე პასუხების გაცემას, ამას სამომავლოდაც გავაკეთებთ, რადგან გუშინ სხვათაშორის, არამხოლოდ ქართულ, არამედ ევროპულ საზოგადოებაშიც გაიგეს ბევრი სიახლე, მათ შორის, პრემიერ- მინისტრისგან, რომ თურმე, საქართველო, ევროპის ოფიციალური სტატისტიკებიდან გამომდინარე, ნამდვილად იმსახურებდა კანდიდატის სტატუსს და თურმე, ყოფილან ისეთი ადამიანები საქართველოდანაც და ევროპაშიც, რომლებიც ითხოვდნენ, რომ კანდიდატის სტატუსი არ მიენიჭებინათ ქვეყნისთვის. პოლარიზაცია ჩვენი მიზანი არ არის, ჩვენი მიზანია საქმის კეთება, მაგრამ თუ რადიკალური ოპოზიცია დაიწყებს პროვოკაციას, ბუნებრივია, ამას ექნება შესაბამისი პასუხი", - განაცხადა მაჭარაშვილმა.

სარეკლამო ადგილი - 11
650 x 60
იაგო ხვიჩია - რასაც ახლა ვუყურებთ, არის მიტინგის დაშლისა და საპროტესტო მუხტის ჩაცხრობის კლასიკა
პარლამენტის შენობის წინ აქცია დაიშალა, რამდენიმე ასეულმა ადამიანმა მთავრობის ადმინისტრაციასთან გადაინაცვლა, სადაც, მჯდომარე აქციით ღამეს გაათენებენ
გიორგი მშვენიერაძე - ჩვენ აქ მოვალთ და როდესაც მეორედ მოვალთ, ეს იქნება თქვენი დასასრული
სტუდენტური ორგანიზაციის წარმომადგენელი - ჩვენ გვქონდა გულწრფელი მოთხოვნა გვცოდნოდა გეგმა, მაგრამ მოვისმინეთ გეგმის შემადგენელი ნაწილი, რაღაცა ქმედება, თუმცა, საბოლოო სახით, როგორ მივდივართ, სტრატეგია ჩვენთვის არის უცნობი
სალომე ზურაბიშვილი - კობახიძისეულ თუ რადიკალური ოპოზიციის გეგმებს არაფერი აქვთ საერთო ნამდვილ ეროვნულ თანხმობასთან და არც ევროპის კანდიდატურის მიღებისთვის აუცილებელ სამოქმედო გეგმასთან
არქივი