პარლამენტის შენობის მიმდებარე ტერიტორიიდან აქციის „შინ ევროპისკენ“ მონაწილეთა ნაწილმა მთავრობის ადმინისტრაციასთან გადაინაცვლა, სადაც, რამდენიმე ასეული ადამიანი მჯდომარე აქციით ღამეს გაათენებს.
აქციის ერთ-ერთი ორგანიზატორის შოთა დიღმელაშვილის ინფორმაციით, ხვალ მთავრობის ადმინისტრაციაში სხდომაა დაგეგმილი, რომელსაც დილიდან ხმაურით უნდა შეხვდნენ.
"მთავრობის სხდომა იმართება ორშაბათს, დილით კანცელარიაში. ამიტომ მივიდეთ და გავაგონოთ ჩვენი ხმა. ჩვენ მთელი ღამით ვიქნებით დაბანაკებული, ყველამ ერთად ჩავაბაროთ ეროვნული გამოცდა”, - აღნიშნა შოთა დიღმელაშვილმა.
აქცია დასრულდა "ქართული ოცნების” ოფისთანაც. აქციის მონაწილეთა ნაწილი მთავრობის სახლთან ღამეს გაათენებს.
როგორც მოძრაობა „შინ ევროპისკენ“ ერთ-ერთმა ლიდერმა გიორგი მშვენიერაძემ განაცხადა, დღეს ბიძინა ივანიშვილს ,,მნიშვნელოვანი აგურები გამოეცალა”.
შეგახსენებთ, „შინ ევროპისკენ“ მთავრობას ულტიმატუმი წაუყენა და გადადგომა მოითხოვა, ულტიმატუმის ვადა 3 ივლისს ღამის 12 საათზე ამოიწურა.
| სარეკლამო ადგილი - 11 650 x 60 |
