პორტუგალიაში საქართველოს საპარლამენტო დელეგაციის ვიზიტი გრძელდება. დღეს ქართველი კანონმდებლები შეხვედრას გამართავენ პორტუგალიურენოვანი ქვეყნების თანამეგობრობის აღმასრულებელ მდივანთან. საქართველოს ევროინტეგრაციის პერსპექტივის პარალელურად ლისაბონში დაგეგმილ შეხვედრებზე საუბრის ერთ-ერთი მთავარი თემა სწორედ პორტუგალიურენოვან ქვეყნებში ოკუპირებული ტერიტორიების არაღიარების პოლიტიკის მხარდაჭერა იქნება.
„შეხვედრებზე განვიხილეთ საქართველოსა და რეგიონში მიმდინარე მოვლენები. დეტალურად მივაწოდეთ ინფორმაცია ევროკავშირის 12 პუნქტის შესრულების შესახებ ჩვენს პარტნიორებს. პორტუგალია არის ძალიან მნიშვნელოვანი პარტნიორი ქვეყანა ჩვენთვის, საქართველოს ოკუპირებული ტერიტორიების არაღიარების პოლიტიკის მიმართულებით. არაერთხელ აღინიშნა საქართველოს როლი და დამსახურებები ნატოს სამშვიდობო მისიებში. ამას ხაზგასმით ყოველთვის გვეუბნებიან და მადლობას გვიხდიან“, - განაცხადა საპარლამენტო უმრავლესობის წევრმა ლევან ქარუმიძემ.
| სარეკლამო ადგილი - 11 650 x 60 |
