ამ პროცესს აუცილებლად მოჰყვება საყოველთაო სახალხო განხილვები და ამ განხილვების ფარგლებში ჩვენ გვექნება შესაძლებლობა, რომ საზოგადოების დამოკიდებულება და საზოგადოების პოზიცია ამ ცვლილებებთან დაკავშირებით გავიგოთ. იმედი მაქვს, რომ ამჯერად მაინც რადიკალური ოპოზიციის წარმომადგენლები ე.წ. ფსევდო ლიბერალები ჩაერთვებიან ამ პროცესში, - ეს განცხადება საქართველოს პარლამენტის ვიცე-სპიკერმა გიორგი კახიანმა ანტიპროპაგანდისტულ კანონპროექტზე საუბრისას გააკეთა.
მისი თქმით, აღნიშნული კანონის მიღება საზოგადოების ინტერესებშია და ინიციატივას ხალხის მხარდაჭერა აქვს.
„ისინი თავისი პოზიციის დაფიქსირებასაც კი ერიდებიან იმიტომ, რომ ერთი მხრივ იციან, ამ კანონის მიღება არის საზოგადოების ინტერესში და მე დარწმუნებული ვარ, რომ საზოგადოება ამას მხარს უჭერს. მეორე მხრივ, როგორც ჩანს, ისინი თავს ვალდებულად გრძნობენ თავიანთი პატრონების წინაშე, რომლებიც დიდი ალბათობით, ამ კანონის მხარდაჭერისთვის მათ შესაბამისად გაკიცხავენ“, - აღნიშნა კახიანმა.
| სარეკლამო ადგილი - 11 650 x 60 |
