43
16 აპრილი 2024, 16:09
არც „ჰეზბოლა“ და არც ირანი ახლა ომისთვის მზად არ არიან, ამის შესახებ ფრანგულ Le Monde-თან ინტერვიუში ევროკავშირის საგარეო ქმედებათა სამსახურის ხელმძღვანელმა, ჟოზეფ ბორელმა განაცხადა.
„თავდახმის შემდეგ ირანის საგარეო საქმეთა მინისტრმა მითხრა, რომ სამიზნეებს მხოლოდ სამხედრო ობიექტები წარმოადგენდა და ეს იყო კონტროლირებული პასუხი. თუ ზიანის მიყენება გსურს, შენ არ აგზავნი დრონებს, რომლებიც 6 საათი იქნებიან გზაში. ამჟამად, არც „ჰეზბოლა“ და არც ირანი ომისთვის მზად არ არიან“, - განაცხადა ბორელმა.
მან ასევე აღნიშნა, რომ ევროკავშირის პოლიტიკური ამოცანაა, თავიდან იყოს არიდებული ესკალაცია, იმიტომ რომ „რეგიონული კონფლიქტი არ შედის არავის, მათ შორის არც ღაზის სექტორის მოსახლეობის ინტერესებში“.
„მე ყოველთვის ვცდილობ, კონსენსუსზე დაფუძნებული პოზიცია წარმოვადგინო: თუ უკრაინაში ალყაში მოქცეული მოსახლეობისთვის წყალზე, ელექტროენერგიაზე და საკვებზე წვდომის შეზღუდვა საერთაშორისო სამართალს არღვევს, ეს ღაზის სექტორის შემთხვევაშიც ასეა“, - აღნიშნა ბორელმა.
| სარეკლამო ადგილი - 11 650 x 60 |
