ქართველი ხალხი დგას „გამჭვირვალობის კანონპროექტის“ უკან და ჩვენი პასუხისმგებლობაა, რომ ქართველი ხალხისთვის ხელი არ გადავაგრეხინოთ არავის, - ამის შესახებ პარლამენტის თავმჯდომარემ შალვა პაპუაშვილმა განაცხადა.
მისივე თქმით, ამ კანონის მიზანია ზუსტად ის, რომ ყველასთვის ცხადი გახდეს ვინ დგას, ვინ აფინანსებს რადიკალურ ჯგუფებს.
„არა თუ ხელისუფლება, მთავრობა, პარლამენტი, უმრავლესობა, ქართველი ხალხი დგას ამ კანონპროექტის უკან და ჩვენი პასუხისმგებლობაა, რომ ქართველი ხალხისთვის ხელი არ გადავაგრეხინოთ არავის. ეს არის არჩევანი ქართველი ხალხის, თითოეული მოქალაქის, მათ შორის მათი, ვინც აქციაზე დგას, რომლებსაც ყალბ დილემად უყენებენ, რომ თითქოს არჩევანია რაღაც გეოპოლიტიკას შორის, სინამდვილეში, არჩევანია ტყუილსა და სიმართლეს შორის. დღეს, ქართველ ხალხს, მათაც - აქციაზე მყოფთ, ატყუებენ, არ ეუბნებიან, უმალავენ თუ ვინ არის ის რაციით მორბენალი ხალხი აქციაზე, რომლებიც მოუწოდებენ ხალხს, რომ ალყა დაარტყან, პოლიციას დედას აგინებენ და ა.შ. ვინ არის ეს ხალხი ამას უმალავენ. ამ კანონის მიზანია ზუსტად ის, რომ ყველასთვის ცხადი გახდეს ვინ დგას, ვინ აფინანსებს და შემდეგ ყველა თავის აზრს ჩამოიყალიბებს ამასთან დაკავშირებით“,- აღნიშნა პაპუაშვილმა.
სარეკლამო ადგილი - 11 650 x 60 |