გასული 12 წლის განმავლობაში ყველაფერი გავაკეთეთ იმისთვის, რომ ამ კონკრეტული მიმართულებით სახელმწიფო სუვერენიტეტის რისკები შემცირებულიყო მინიმუმამდე თუმცა ეს კანონი „უცხოური გავლენის გამჭვირვალობის შესახებ“ ბუნებრივია, დამატებით დახმარებას გაგვიწევს ამ მიმართულებითაც, - ამის შესახებ პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.
„რაც შეეხება პრორუსული ძალების გავლენებს საქართველოში, მინდა შეგახსენოთ 2012 წლიდან, 212-2013-2014 წლებში მაშინაც ტარდებოდა ეროვნული არჩევნები. მაშინ პრორუსული პარტიები და კანდიდატები არჩევნებში იღებდნენ ხოლმე დაახლოებით ხმების 20%-ს. ეს ხდებოდა ჩვენი ხელისუფლებაში მოსვლის პირველ წლებში. დღეს პრორუსული ძალები არიან პრაქტიკულად გამქრალი პოლიტიკური სივრციდან. ერთადერთი ორგანიზაცია, რომელიც ბოლო პერიოდში აქტიურობდა, ეს გახლავთ „ალტინფო“. მას აქვს დღეს ეგზისტენციალური პრობლემები. შესაბამისად, ყველა ვხედავთ, რომ გასული 12 წლის განმავლობაში ყველაფერი გავაკეთეთ იმისთვის, რომ ამ კონკრეტული მიმართულებით სახელმწიფო სუვერენიტეტის რისკები შემცირებულიყო მინიმუმამდე და ამ შედეგს რეალურად მივაღწიეთ, თუმცა ეს კანონი „უცხოური გავლენის გამჭვირვალობის შესახებ“ ბუნებრივია, დამატებით დახმარებას გაგვიწევს ამ მიმართულებითაც“, - აღნიშნა კობახიძემ.
| სარეკლამო ადგილი - 11 650 x 60 |
