30
18 აპრილი 2024, 17:06
მთაწმინდის რაიონის გამგეობა, „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში სხვადასხვა პროექტს ახორციელებს. გამგეობა სამუშაოებს 100%-ით აფინანსებს. ამხანაგობა კი, სამუშაოების ღირებულების 5% ან 10%-ის ოდენობის თანხას ამხანაგობის ანგარიშზე განათავსებს, რომელსაც შემდგომ საერთო ქონების მოვლა-პატრონობას მოახმარს.
ამ ეტაპზე, ლიფტების რეაბილიტაცია მთაწმინდის რაიონში ორ მისამართზე დასრულდა. სამუშაოები ბაშალეიშვილის ქ. N20-ში და ჯუღელის ქ. N6-ში განხორციელდა. ჯამში, 3 ლიფტს ჩაუტარდა რეაბილიტაცია. სამუშაოების შედეგად, ლიფტების კაბინები, კარები, ელექტროძრავა და ბაგირი შეიცვალა.
პროექტის განსახორციელებლად ბიუჯეტიდან 133 528 ლარი გამოიყო.
| სარეკლამო ადგილი - 11 650 x 60 |
