მამუკა მდინარაძე კიდევ ერთხელ გამოეხმაურა სალომე ზურაბიშვილის მიერ ლაზარე გრიგორიადისის შეწყალების ფაქტს. ამ თემაზე კომენტარი „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა ოზურგეთში ჟურნალისტებთან საუბრისას გააკეთა.

„არ უნდა ამ შეწყალებას შეფასება. ამას სჭირდება უბრალოდ ფაქტის კიდევ ერთხელ მოყოლა - სალომე ზურაბიშვილმა შეიწყალა პოლიციელის ცოცხლად დაწვის მცდელობაში მსჯავრდებული ადამიანი. ეს არის და ეს“, - განაცხადა მდინარაძემ.

სასამართლომ ლაზარე გრიგორიადისს 9 წლით თავისუფლების აღკვეთა მიუსაჯა. გამოძიება გრიგორიადისს პოლიციელზე თავდასხმასა და მისი ჯანმრთელობის ხელყოფას, ასევე სხვისი ნივთის დაზიანებას ედავებოდა.