რევოლუციური სცენარები და შორიდან მუქარები არავის სჭირდება, „ოცნებას“ ოპოზიციაში მშვიდობიანად გადავიყვანთ-ანზორ ბიწაძე
სარეკლამო ადგილი - 10
650 x 60
337 28 აგვისტო 2020, 16:20
„ერთიანი საქართველოს“ წევრი, ანზორ ბიწაძე აცხადებს, რომ საქართველოში მიხეილ სააკაშვილის ჩამოსვლის არ სჯერა. ბიწაძის თქმით, მსგავსი განცხადებები პოლარიზებას უწყობს ხელს.

„რამდენადაც მას ვიცნობ, საერთოდ არ მჯერა მისი ჩამოსვლის. ჩემს განცდასაც რომ თავი დავანებოთ, ალბათ რიგით მერვე-მეცხრე დაპირებაა, რომ ბრუნდება და მე ამის საერთოდ არ მჯერა. რაც შეეხება ასეთ განცხადებას, ეს განცხადება ხელს უწყობს პოლარიზებას, ხელს უწყობს „ქართულ ოცნებას“, კიდევ უფრო დააშინოს მოსახლეობა სააკაშვილის ჩამოსვლით და დესტაბილიზაციით, ამით სცადოს თავისთვის დამატებითი ხმების მობილიზება. ასე რომ, საერთო საქმეს, რასაც ბიძინა ივანიშვილის და მისი პარტიის ოპოზიციაში გადაყვანა ქვია, ასეთი განცხადებები მხოლოდ და მხოლოდ აზარალებს. ეს ყველაფერი, რასაც ერთი მხრივ ამბობს სააკაშვილი და მეორე მხრივ „ქართული ოცნება“, არის პიარის ორი მხარე. არ მჯერა, არც ერთი წუთით, რომ სააკაშვილი აპირებს საქართველოში დაბრუნებას.

არჩევნები ჩაივლის ნორმალურ და მშვიდ გარემოში, ოპოზიცია იქნება ერთმანეთში კოორდინირებული, რომ დაიცვას ერთმანეთის ხმები, არჩევნებმა მშვიდობიან ვითარებაში ჩაიაროს. ლეწვა, მტვრევა, ნგრევა, რევოლუციები საქართველოს არ სჭირდება და ჩვენს ქვეყანას აქვს იმის პოტენციალი, რომ მოახდინოს ხელისუფლების ცვლილება ყველანაირი დესტაბილიზაციის და რყევების გარეშე. ეს ყველაფერი მოხდება მშვიდობიანად, „ოცნებას“ გადავიყვანთ ოპოზიციაში მშვიდობიანად და არანაირი რევოლუციური სცენარები და შორიდან მუქარები საჭირო არ არის, ეს არავის სჭირდება“, – განაცხადა ანზორ ბიწაძემ.

მიხეილ სააკაშვილმა სოციალურ ქსელში გამოაქვეყნა განცხადება, სადაც ყოფილი პრეზიდენტი საზოგადოებას ბოდიშს უხდის მის მიერ დაშვებული შეცდომების გამო. ამასთან, აღნიშნავს, რომ მას საკმაოდ დიდი დრო ჰქონდა დაფიქრებისთვის და ახლა იცის, უკეთესად როგორ ემსახუროს საქართველოს. განცხადებას სააკაშვილი შემდეგი სიტყვებით ასრულებს: „მე დავბრუნდები“.
სარეკლამო ადგილი - 11
650 x 60
ნიდერლანდების საგარეო საქმეთა სამინისტრო - ჟურნალისტებისა და LGBT პირების მიმართ ძალადობა და მუქარა სრულიად მიუღებელია
შალვა პაპუაშვილი ავრცელებს კრისტიან დანიელსონის დოკუმენტს, რომელზეც ირაკლი კობახიძისა და არჩილ თალაკვაძის ხელმოწერებია
ადა მარშანიამ "საქართველოს პატრიოტთა ალიანსი" დატოვა
შალვა პაპუაშვილი იმედოვნებს, რომ ოპონენტების ნაწილი პასუხისმგებლობას არ გაექცევა და საარჩევნო რეფორმის განხორციელებაში მონაწილეობას მიიღებს
გია ვოლსკი - არის ერთი კონკრეტული პარტია და ლიდერი, რომელიც უკვე გადავიდა უცნაურ, მაზოხისტურ განწყობაზე, ადამიანს უხარია, როდესაც მისი სიტყვით ხორციელდება დესტრუქციული პროცესები
არქივი