„ვისოლ ჯგუფის“ პრეზიდენტი საწვავზე ფასების მნიშვნელოვან ზრდასთან დაკავშირებით განცხადებას ავრცელებს
სარეკლამო ადგილი - 10
650 x 60
570 15 ნოემბერი 2021, 19:46

„ვისოლ ჯგუფის“ პრეზიდენტი სოსო ფხაკაძე აცხადებს, რომ საწვავთან დაკავშირებით მის მიერ გაკეთებული კომენტარი სოციალურ მედიაში შინაარსიდან სრულიად ამოვარდნილი სათაურით გავრცელდა.

„მოგესალმებით! მინდა, გამოვეხმაურო ჩემ მიერ გაკეთებულ კომენტარს, რომელიც შინაარსიდან სრულიად ამოვარდნილი სათაურით გავრცელდა სოციალურ მედიაში. მე ამ უზუსტობის გარკვევას, ბუნებრივია, არ შევეცდები, უბრალოდ ვიტყვი, რომ ნებისმიერი ადამიანისთვის სიმართლის გასარკვევად, საკმარისი პირობაა ამ თემაზე ჩემი კომენტარის სრულად წაკითხვა და სხვა არაფერი.

რაც შეეხება საწვავის ფასებს: საწვავზე მაღალი ფასი არის თემა, რომლის მიმართაც საზოგადოება ყოველთვის მგრძნობიარეა და ეს ხდება არა მარტო ჩვენს ქვეყანაში. მე, როგორც ამ ქვეყნის რიგით მოქალაქეს და ადამიანს, რომელიც ოცი წელია, აშენებს იმას, რასაც კონკრეტულად „ვისოლი“ ჰქვია, ბუნებრივია, მაწუხებს თითოეული ადამიანის რეაქცია, საჯარო თუ არასაჯარო პროტესტი, რომელიც საწვავის მაღალ ფასს უკავშირდება.

თუმცა, სამწუხაროდ, ჩვენ, ისევე როგორც საწვავის მომხმარებელი ქვეყნების უმეტესობას, არანაირი ბერკეტი არ გაგვაჩნია თავიდან ავიცილოთ საერთაშორისო ბაზრებზე ნავთობ პროდუქტებზე ფასების მატების ნეგატიური ზეგავლენა. ბოლო დღეებში უამრავი ინფორმაცია გავრცელდა, რომელიც საწვავზე ფასის მატების მიზეზებს განმარტავს. თუ დღის წესრიგში ისევ დგას საწვავზე ფასწარმოქმნის მექანიზმის ახსნა, ნებისმიერ დროს მზად ვართ, მოვაწყოთ საჯარო განხილვა, თუ სხვა ტიპის კომუნიკაცია, ერთხელ და სამუდამოდ, ყველა კითხვაზე პასუხის გაცემის მიზნით.

მინდა, იცოდეთ, რომ როგორც ჩემს ზემო აღნიშნულ ინტერვიუში განვმარტე, ჩვენ ყველანაირად ვცდილობთ, საერთაშორისო ბაზარზე საწვავის ფასის მკვეთრი მატება მთლიანად არ გადავიტანოთ მომხმარებელზე და როგორც მინიმუმ, ეს პროცესი გავწელოთ დროში. თუმცა, არსებობს ობიექტური ფაქტორები, რომელთა ზეგავლენასაც ჩვენ ვერანაირად ვერ გავექცევით. დღეს საწვავზე ფასების მნიშვნელოვან ზრდაზე საუბრობენ ძალიან ბევრ ქვეყანაში და ამის შესახებ ინფორმაციის მოპოვება წამებში არის შესაძლებელი.

ჩემო მეგობრებო! „ვისოლ პეტროლიუმი“ არის ქართული, სრულიად გამჭვირვალე კომპანია და მინდა, იცოდეთ, რომ ჩვენ ყოველთვის მზად ვართ, ჩავერთოთ რაციონალურ, პროფესიულ და კონსტრუქციულ განხილვებში, არ დავტოვოთ აბსოლუტურად არც ერთი კითხვა პასუხგაუცემელი. მადლობა ყველას და დარწმუნებული ვარ, შევძლებთ, უფრო მეტად დავაფასოთ ერთმანეთი და ვიყოთ ბევრად სოლიდარულები ერთმანეთის მიმართ. გისურვებთ ჯანმრთელობას!“, – აცხადებს სოსო ფხაკაძე.

სარეკლამო ადგილი - 11
650 x 60
შალვა პაპუაშვილი - საქართველო სამართლებრივი სახელმწიფოა და თუ ვინმეს რაიმე პრეტენზია აქვს, ხელშესახები მტკიცებულება უნდა წარმოადგინოს
საქართველოს ეროვნული ბანკი ევრო 2024-ის საკოლექციო მონეტას გამოუშვებს
ჯო ბაიდენმა კონგრესს მიმართა - მოგიწოდებთ, სასწრაფოდ გამომიგზავნოთ ეროვნული უსაფრთხოების კანონპროექტი ხელმოწერისთვის, რომელიც უკრაინისა და ისრაელის დაფინანსებას მოიცავს
საბერძნეთის პარლამენტმა მიიღო განათლების შესახებ კანონი, რომელიც უცხოურ კერძო უნივერსიტეტებს საშუალებას აძლევს, საბერძნეთში ფილიალები გახსნან
გია ვოლსკი - კანონის აღსრულებას და საქართველოს, როგორც პარტნიორ ქვეყანას როცა ეხება საქმე, ბუნდესტაგში ადეიშვილის ყოფნა უნდა მივიჩნიოთ უპატივცემულობად, დიპლომატიური ეთიკის დარღვევად
არქივი