მერსედეს ვერა მარტინი - მხარდაჭერილი პროგრამის ფარგლებში საქართველოში მთლიანი ჩარიცხვები დაახლოებით 450 მილიონ აშშ დოლარს გაუტოლდება
სარეკლამო ადგილი - 10
650 x 60
786 15 აპრილი 2020, 12:59

"საერთაშორისო სავალუტო ფონდის (სსფ) მისიის მეექვსე მიმოხილვის დასრულების შემდეგ, საქართველოსთვის ხელმისაწვდომ თანხასთან ერთად, მთლიანი ჩამორიცხვები საქართველოში მიმდინარე „გაფართოებული დაფინანსების მექანიზმით“ მხარდაჭერილი პროგრამის ფარგლებში დაახლოებით 450 მილიონ აშშ დოლარს გაუტოლდება", – განაცხადა სსფ-ის მისიის ხელმძღვანელმა მერსედეს ვერა მარტინმა განაცხდა.

სსფ-ის ინფორმაციით, მიმდინარე წლის 1-13 აპრილს საერთაშორისო სავალუტო ფონდის მისიამ მერსედეს ვერა მარტინის ხელმძღვანელობით მოლაპარაკებები გამართა საქართველოს ხელისუფლებასთან საქართველოში მიმდინარე „გაფართოებული დაფინანსების მექანიზმით“ მხარდაჭერილი პროგრამის მეექვსე მიმოხილვის დასრულებაზე და პროგრამის თანხის გაზრდაზე.

როგორც მისიის დასასრულს ვერა მარტინმა განაცხადა,  პროდუქტიული დისკუსიის საფუძველზე საქართველოს ხელისუფლებასა და სსფ-ს მისიას შორის მიღწეულია შეთანხმება საქართველოში მიმდინარე პროგრამის მეექვსე მიმოხილვის წარმატებით დასრულების შესახებ.

„სსფ-ს გუნდი რეკომენდაციას იძლევა სსფ-ს მხარდაჭერის საერთო თანხის გაზრდის შესახებ კვოტის 130 პროცენტით (დაახლოებით 375 მილიონი აშშ დოლარით), რაც დაეხმარება ჯანდაცვის და მაკროეკონომიკური სტაბილიზების ღონისძიებების დაფინანსებას, დააკმაყოფილებს COVID-19 პანდემიით გამოწვეულ საგადამხდელო ბალანსის საჭიროებებს; მოახდენს საერთაშორისო საზოგადოების დახმარების მობილიზებას. ამ თანხის ნაწილი, დაახლოებით 200 მილიონი აშშ დოლარი იქნება საბიუჯეტო დახმარება, რაც ქვეყნის ხელისუფლებას  სასწრაფო სამედიცინო და სოციალურ-ეკონომიკური საჭიროების მოგვარებაში დაეხმარება. თანხის ეს ნაწილი ქვეყნისთვის ხელმისაწვდომი გახდება აღმასრულებელ დირექტორთა საბჭოს მიერ პროგრამის მიმოხილვის დამტკიცებისთანავე“, – განაცხდა მისიის ხელმძღვანელმა.

მისივე ინფორმაციით, მისიის დონეზე მიღწეულ ამ შეთანხმებას სსფ-ს აღმასრულებელი საბჭო მიმდინარე წლის მაისის დასაწყისში განიხილავს.

როგორც მერსედეს ვერა მარტინმა განაცხადა, მეექვსე მიმოხილვის დასრულების შემდეგ საქართველოსთვის ხელმისაწვდომ თანხასთან ერთად, მთლიანი ჩამორიცხვები საქართველოში მიმდინარე „გაფართოებული დაფინანსების მექანიზმით“ მხარდაჭერილი პროგრამის ფარგლებში დაახლოებით 450 მილიონ აშშ დოლარს გაუტოლდება, რაც საქართველოს კვოტის 155 პროცენტია

სარეკლამო ადგილი - 11
650 x 60
ჯორჯია მელონი: „ჰამასი“ ისრაელს არ დაესხმებოდა თავს, მანამდე რუსეთი უკრაინაში რომ არ შეჭრილიყო
ბექა ოდიშარია: სალომე ზურაბიშვილი მოქმედებს იმგვარად, რომ ხელი შეუწყოს ყველანაირ ნიადაგს, რომელიც „ნაციონალურ მოძრაობას“ და სხვა მის ანასხლეტებს და სატელიტებს მისცემს საშუალებას, რომ გამოიყენონ ტრიბუნა „ქართული ოცნების“ გასაკრიტიკებლად
არჩილ თალაკვაძე: ჩვენ არაერთხელ ვამხილეთ ის რადიკალური ჯგუფები, რომლებიც ეწეოდნენ ანტიდასავლურ დეზინფორმაციას და დასავლეთის სახელით აკეთებდნენ ანტიქართულ და ანტიევროპულ საქმეს
სოზარ სუბარი: ეს არის მკაფიო მაგალითი, როგორი სისხლიანი და არაადამიანური იყო ნაციონალური მოძრაობის რეჟიმი, რომელიც ებრძოდა, აწამებდა და კლავდა თავის გმირებს
ნინო წილოსანი: არ ვარ დარწმუნებული, რომ არასამთავრობო ორგანიზაციებს სურთ, საქართველომ პრიორიტეტები შეასრულოს
არქივი