ნათია თურნავა - მზად ვართ გლობალურ კორპორაციებს შევთავაზოთ ჩვენი ქვეყანა, როგორც ალტერნატიული ბიზნეს პლატფორმა
სარეკლამო ადგილი - 10
650 x 60
1069 21 აპრილი 2020, 19:28

ეკონომიკისა და მდგრადი განვითარების მინისტრმა ნათია თურნავამ თსუ-ს ეკონომიკის საერთაშორისო სკოლა (ISET) და ISET-ის კვლევითი ინსტიტუტის ონლაინ სადისკუსიო პანელში „COVID-19-ის შემდგომი ეკონომიკური რეაბილიტაციის პერსპექტივები“ მიიღო მონაწილეობა.

ონლაინ დისკუსიაში ასევე მონაწილეობდნენ მსოფლიო ბანკის რეგიონალური დირექტორი ჩინეთში, მონღოლეთსა და კორეაში მარტინ რაიზერი, მსოფლიო ბანკის რეგიონალური დირექტორი ევროკავშირის ქვეყნებში არუპ ბანერჯი და ISET-ისა და ISET-ის კვლევითი ინსტიტუტის დირექტორი თამარ სულუხია.

კონფერენციაზე განიხილეს ის ნაბიჯები, რომელიც ქვეყნებმა, მათ შორის მცირე ზომის ქვეყნებმა უნდა გადადგან პოსტკოვიდურ პერიოდში.

ნათია თურნავამ ონლაინ პანელის მონაწილეებს ეკონომიკის სტიმულირებისა და პოსტკრიზისული პერიოდიდან გამოსვლის სამთავრობო გეგმის ძირითადი აქცენტები გაუზიარა.

ეკონომიკის მინისტრის თქმით, დღეს მსოფლიოს ყველა ქვეყანა, მთავრობები, საერთაშორისო საფინანსო ორგანიზაციები ერთად ქმნიან ახალ ისტორიას, ახალ გამოცდილებას, თუ როგორ ებრძვიან ვირუსს და როგორ ამზადებენ თავიანთ ეკონომიკას აქტიური რეაბილიტაციისთვის, კორონავირუსით შექმნილი გამოწვევის გადალახვის შემდგომ.

ნათია თურნავას განცხადებით,  საქართველო მზად არის, წარმოჩინდეს გლობალურ ეკონომიკაში, გლობალურ ბაზარზე ახალი როლით - როგორც ალტერნატიული პლატფორმა ბიზნესისთვის და მსხვილ კორპორაციებს ბიზნესის აქ გადმოტანა შევთავაზოთ.

მისივე თქმით, დივერსიფიკაცია და წარმოების სხვადასხვა ლოკაციაზე გადატანა ბიზნესის დაზღვევის მიზნით, ახალი ტრენდი იქნება.

„ჩვენ ვგრძნობთ ამ ტრენდს. საქართველო არის ერთ-ერთი ყველაზე მიმზიდველი ამ თვალსაზრისით - ლოგისტიკურად, გამჭვირვალობისა თუ დაბალი გადასახადების თვალსაზრისით და რაც მთავარია, თუკი უფრო სწრაფად გადავლახავთ არსებულ გამოწვევას და დავძლევთ ეპიდემიას, ეს მოგვცემს დამატებით კონკურენტულ უპირატესობას. აქედან გამომდინარე, საქართველო ძალიან მიმზიდველია დივერსიფიკაციის მსურველი გლობალური კორპორაციებისთვის და მზად ვართ შევთავაზოთ მათ ჩვენი ქვეყანა, როგორც ალტერნატიული ბიზნეს პლატფორმა“, - აღნიშნა ნათია თურნავამ.

სარეკლამო ადგილი - 11
650 x 60
ეროვნულმა ბანკმა წლის დასაწყისიდან საერთაშორისო სავალუტო რეზერვები 613.5 მლნ აშშ დოლარით გაზარდა
სავალუტო ფონდი: პოზიტიური ნიშანია, რომ ბოლო თვეების განმავლობაში ეროვნულმა ბანკმა მნიშვნელოვანი შესყიდვები განახორციელა და საერთაშორისო რეზერვები შეავსო
პრემიერ-მინისტრი ირაკლი კობახიძე საერთაშორისო სავალუტო ფონდის მისიის ხელმძღვანელს და აღმასრულებელ დირექტორს შეხვდა
„ხალხის ძალას“ ფინანსთა მინისტრის პირველმა მოადგილემ სახელმწიფო ბიუჯეტის შესრულების ანგარიში წარუდგინა
Fitch Ratings-მა მორიგი ეკონომიკური დეზინფორმაცია/მითი გააქარწყლა და საქართველოს სუვერენული საკრედიტო რეიტინგი კვლავ “BB” დონეზე დაადასტურა, 2025 წლის ეკონომიკური ზრდის მაჩვენებელს კი 5.6 პროცენტამდე ზრდის
არქივი