სალომე ფაჟავამ მხატვრული ტანვარჯიშში ტოკიოს ოლიმპიურ თამაშებზე ასპარეზობა მე-17 ადგილით დაასრულა.

ტოკიოს ოლიმპიადის მე-14 საშეჯიბრო დღეს ტანმოვარჯიშეთა შეჯიბრებაში ჩაერთო ქართველი ტანმოვარჯიშე სალომე ფაჟავა. მხატვრულ ტანვარჯიშში ოთხი დისციპლინაა, რომელთა ჯამში გამოვლინდა ფინალური ათეული, რომელშიც სალომე ვერ მოხვდა. მას მიზნამდე ძალიან ცოტა დააკლდა.

სალომე ფაჟავამ გამოსვლა რგოლით დაიწყო და მსაჯებისგან 23.55 ქულა დაიმსახურა.

ბურთით ვარჯიშში მან ორი პუნქტით ნაკლები – 21.95 ქულა მიიღო.

პირველ დისციპლინაში ქართველი ტანმოვარჯიშე მე-14 იყო, ბურთით ვარჯიშში – 21-ე.

სალომე ფაჟავამ მესამე ვარჯიში, თავის ცნობილი გამოსვლით - გურზებით შეასრულა,  რაჭული ცეკვის მუსიკაზე, „მოკლე კაბა“ შეცდომა თითქმის არ დაუშვია და მსაჯებმა მას 23.5 ქულა დაუწერეს.

მეოთხე დისციპლინა, რომელშიც სალომე ფაჟავა გამოვიდა ლენტით ასპარეზობა იყო. მას სჭირდებოდა მაქსიმალური ქულები, რომ ფინალში გამსვლელ ათეულში მოხვედრილიყო. საბოლოოდ ლენტით ვარჯიშში მან 20.65 ქულა დაიმსახურა და ჩემპიონობისთვის ბრძოლის გაგრძელება ვერ მოახერხა.