ლერი ხაბელოვი - იმედი გვაქვს, რომ ჩვენი სპორტსმენები შესაძლებლობის მაქსიმუმ გამოავლენენ და საუკეთესო შედეგს აჩვენებენ
სარეკლამო ადგილი - 10
650 x 60
639 02 თებერვალი 2022, 22:27
დღეს, ჩინეთში ზამთრის XXIV ოლიმპიურ თამაშებზე გაემგზავრნენ საქართველოს ოლიმპიური დელეგაციის ხელმძღვანელი, სეოკ-ის პრეზიდენტი ლერი ხაბელოვი, კულტურის, სპორტის და ახალგაზრდობის მინისტრის მოადგილე სოსო გიორგაძე, სეოკ-ის გენერალური მდივანი ემზარ ზენაიშვილი, ფიგურული ციგურაობის ეროვნული ფედერაციის პრეზიდენტი მარიამ გიორგობიანი, პეკინი 2022 -ზე აკრედიტებული ჟურნალისტები - თენგიზ პაჭკორია და ხატია ჯიჯეიშვილი.

„ეს პირველი ოლიმპიადაა, რომელზეც საქართველო ასეთი რაოდენობით არის წარმოდგენილი. ასევე, პირველი შემთხვევაა, როდესაც ჩვენი ქვეყანა გუნდურად იასპარეზებს – მსოფლიო რეიტინგის მიხედვით, საქართველო მოხვდა იმ 10 საუკეთესო ქვეყანას შორის, რომლებიც ფიგურულ ციგურაობაში გუნდური ოლიმპიური მედლებისთვის იბრძოლებენ. ემოციური მომენტია, რომ პეკინის ზამთრის ოლიმპიური თამაშების მოციგავეთა შეჯიბრებაში საბა ქუმარიტაშვილი იასპარეზებს. იმედი გვაქვს, რომ ჩვენი სპორტსმენები შესაძლებლობის მაქსიმუმ გამოავლენენ და საუკეთესო შედეგს აჩვენებენ“, – განაცხადა საქართველოს პირველ არხთან სეოკ-ის პრეზიდენტმა ლერი ხაბელოვმა.
ზამთრის XXIV ოლიმპიურ თამაშებს ჩინეთის დედაქალაქი პეკინი 4-20 თებერვალს უმასპინძლებს. საქართველოდან სპორტის 3 სახეობაში (ფიგურული ციგურაობა, სამთო თხილამურობა, ციგაობა) იასპარეზებს 9 სპორტსმენი.
საქართველოს ოლიმპიური ნაკრები გუნდი უკვე ჩინეთში, ოლიმპიურ სოფელში იმყოფება და აქტიურად ემზადება ზამთრის ოლიმპიურ თამაშებზე საასპარეზოდ.

სარეკლამო ადგილი - 11
650 x 60
ინგა გურგენიძემ ფიგურულ ციგურაობაში ოქროს მედალი მოიპოვა
საქართველოს ეროვნული ოლიმპიური კომიტეტი: ნოდარ ქუმარიტაშვილის სახელის უკვდავსაყოფად და მისი ხსოვნისადმი პატივის მისაგებად საქართველო და საერთაშორისო ოლიმპიური მოძრაობა მუდამ ერთსულოვანი იქნება
საქართველოს ნაკრებმა ევროპის ზამთრის ახალგაზრდულ ოლიმპიურ ფესტივალზე ასპარეზობა დაიწყო
ბაკურიანში ევროპის ზამთრის ახალგაზრდული ოლიმპიური ფესტივალის- ,,ბაკურიანი 2025“-ის საკოლექციო მონეტის პრეზენტაცია გაიმართა
საქართველო ევროპის ზამთრის ახალგაზრდულ ოლიმპიურ ფესტივალს - „ბაკურიანი 2025"-ს 9-16 თებერვალს უმასპინძლებს
არქივი