1,5 წელია ამერიკულ კანონს რუსული რომ დაარქვეს და საზოგადოების ნაწილი სამწუხაროდ მოატყუეს. ჩვენ ხომ ვთქვით, რომ კანონს არ ვუბრუნდებით? მათი [არასამთავრობო სექტორის] მხრიდან ითქვა, რომ [დაფინანსება] გამჭვირვალეა და პირობა იყო, რომ იქნება გამჭვირვალე. ჩვენ ჩვენს პირობაზე ამ მომენტამდე ვდგავართ და მათი მხრიდან გამჭვირვალობა სადმე ნახეთ? - ამის შესახებ მამუკა მდინარაძემ ჟურნალისტებთან საუბრისას განაცხადა.
„ქართული ოცნების“ აღმასრულებელმა მდივანმა და საპარლამენტო უმრავლესობის ლიდერს მიაჩნია, რომ არასამთავრობო სექტორის დაფინანსება, მათი პირობის მიუხედავად, უფრო გაუმჭვირვალე გახდა.
„კიდევ უფრო გაუმჭვირვალე, კიდევ უფრო ბნელი გახდა ის ხარჯები, რითაც დონორები საქართველოში „ენჯეო“ სექტორს აფინანსებენ. ჩვენ ვთქვით, რომ არ ვუბრუნდებით კანონს, ისინი ამბობენ, რომ კიდევ უფრო გამჭვირვალე იქნება [დაფინანსება]. რანაირი დამოკიდებულებაა ეს, რა ხდება? ამას რეაგირება არ სჭირდება?“ - კითხულობს მდინარაძე.
მან ჟურნალისტებს მოუწოდა დაინტერესდნენ იმით, თუ რაში იხარჯება არასამთავრობო სექტორისთვის გამოყოფილი თანხები.
| სარეკლამო ადგილი - 11 650 x 60 |
