55
28 მარტი 2024, 14:21
როდესაც მართლმსაჯულების საკითხებთან დაკავშირებულ კვლევებში საქართველო პოზიციონირებს ყველაზე წინ კანდიდატ ქვეყნებს შორის, ხშირ შემთხვევაში უსწრებს ევროკავშირის ან ნატოს რამდენიმე წევრ ქვეყანას, რა თქმა უნდა, ჩნდება კითხვები, თუ რატომ ხდება მართლმსაჯულების საკითხებით ასეთი სპეკულირება, - ამის შესახებ ევროინტეგრაციის კომიტეტის თავმჯდომარემ, მაკა ბოჭორიშვილმა განაცხადა.
„მნიშვნელოვანია, შევხედოთ კვლევებს, რომლებიც კეთდება მართლმსაჯულების საკითხებთან დაკავშირებით, სადაც საქართველოს პოზიციები ბოლო ათწლეულის განმავლობაში უმჯობესდება. ეს გვაძლევს სურათს, რათა ვიმსჯელოთ იმაზე, რა გამოწვევები არსებობს და როგორ შეიძლება მათ გავუმკლავდეთ.
როდესაც ქვეყანა პოზიციონირებს ყველაზე წინ კანდიდატ ქვეყნებს შორის, ხშირ შემთხვევაში უსწრებს ევროკავშირის ან ნატოს რამდენიმე წევრ ქვეყანას, რა თქმა უნდა, ჩნდება კითხვები, თუ რატომ ხდება მართლმსაჯულების საკითხებით ასეთი სპეკულირება და რა ინტერესები არსებობს ამ მიმართულებით“, - აღნიშნა მაკა ბოჭორიშვილმა.
სასამართლო მართლმსაჯულებაზე სახელისუფლებო თავდასხმებისგან თავისუფლებით საქართველო მსოფლიოში 27-ე ადგილზე, ევროპის საუკეთესო ათეულში მე-9 პოზიციაზე, პოსტსაბჭოთა სივრცეში კი საუკეთესო სამეულშია. სასამართლოზე სახელისუფლებო თავდასხმების ინდექსი (Government attacks on judiciary) დემოკრატიის კვლევის მსოფლიოს მოწინავე ცენტრმა, ორგანიზაციამ „დემოკრატიის მრავალფეროვნება“ (V-DEM) გამოაქვეყნა.
სარეკლამო ადგილი - 11 650 x 60 |