ისე, კოლეგებო ოპოზიციიდან, როგორც კი ამბობთ რუსული კანონი, მთავარი, რაზეც რეაქცია არის ხოლმე, კითხვაა რატომ არისო და იქნებ უპასუხოთ, რატომ?, - ამის შესახებ საქართველოს პარლამენტის თავმჯდომარე შალვა პაპუაშვილმა პარლამენტის დღევანდელ სხდომაზე „უცხოური გავლენის გამჭვირვალობის შესახებ“ კანონპროექტის განხილვისას განაცხადა.

„არგუმენტი, რომ ვიღაცამ თქვა, ეს არ არის არგუმენტი, ეგ არის დოგმა. რწმენის საკითხი თუ გაქვთ, ეგ არ ვიცი, ეგ არგუმენტი არ არის. უბრალოდ, რომ იცოდეთ, კითხვა - რატომ? არის ყველაზე კარგი ტესტი, გაარკვიოთ რომ ადამიანი ლაპარაკობს არა არგუმენტით, არამედ, დოგმებით. გამოდის, რომ ეს არის დოგმა, როდესაც კითხვაზე- რატომ არ გაქვთ პასუხი“, - განმარტა მან.