გუშინდელ აქციას წარმართავდნენ კეზერაშვილის ცოლის ძმა, ვინმე ჩიქოვანი, ის იყო მთავარი ორგანიზატორი ამ აქციის და ფრანკლინის კლუბის, ახლა სხვა რაღაც ჰქვია, ერთ-ერთი ლიდერი, უცხოური გავლენის აგენტი ვინმე ზიბზიბაძე, - ამის შესახებ საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.
როგორც მთავრობის მეთაური აღნიშნავს, გუშინდელ აქციაზე გამოიყენებოდა აკერმანის სახელმძღვანელოს კარგად გაცვეთილი რიტუალები.
„აკერმანის შეგირდებმა ასეთი ტრიუკებით თავის დროზე მოატყუეს რამდენიმე ქვეყნის მოქალაქეები, რამაც სხვათა შორის იმ ქვეყნებში მძიმე პროცესებს დაუდო დასაბამი, თუმცა ქართული საზოგადოება დღეს საკმარისად გამოცდილია იმისთვის, რომ ასეთმა იაფფასიანმა რიტუალებმა, ტრიუკებმა მასზე გავლენა არ მოახდინოს“, - აღნიშნა პრემიერ-მინისტრმა.
სარეკლამო ადგილი - 11 650 x 60 |