6
23 აპრილი 2024, 11:26
უკრაინის აგრარული პოლიტიკისა და საკვების მინისტრს, მიკოლა სოლსკის სახელმწიფოს კუთვნილი მიწის მითვისებაში ადანაშაულებენ. ამის შესახებ ინფორმაციას უკრაინის ეროვნული ანტიკორუფციული ბიურო და უკრაინული მედია ავრცელებენ.
კერძოდ, საუბარია 291 მილიონი გრივნის ღირებულების მიწის მითვისებაზე და 190 მილიონი გრივნის ღირებულების მიწის მითვისების მცდელობაზე.
ოფიციალურად უკრაინის ეროვნული ანტიკორუფციული ბიურო ეჭვმიტანილის ვინაობას არ ასახელებს, თუმცა, უკრაინული მედიის ცნობით, საუბარია სწორედ მიკოლა სოლსკიზე.
მედიის ინფორმაციით, ფაქტები, რომლებსაც უკრაინის ეროვნული ანტიკორუფციული ბიურო იძიებს, 2017-2018 წლებით თარიღდება, როდესაც სოლსკი საადვოკატო საქმიანობას ახორციელებდა.
სარეკლამო ადგილი - 11 650 x 60 |